ഡൽഹി: ഉത്തരാഖണ്ഡിലെ ഉത്തരകാശി ജില്ലയിൽ സ്വകാര്യ ഹെലികോപ്റ്റർ തകർന്നുവീണതിനെ തുടർന്നുണ്ടായ അപകടത്തിൽ അഞ്ച് മരണം. രണ്ട് പേർക്ക് പരുക്ക്. മരിച്ചവർ വിനോദ സഞ്ചാരികളാണെന്നാണ് വിവരങ്ങൾ. രാവിലെ 9 മണിയോടെ ഗംഗോത്രിയിലേക്ക് പോകുകയായിരുന്ന ഹെലികോപ്റ്ററാണ് തകർന്നു വീണത്. ഉത്തരകാശി ജില്ലയിലെ ഗംഗനാനി പ്രദേശത്തിനടുത്താണ് ഹെലികോപ്റ്റർ തകർന്നതെന്ന് ഗർവാൾ ഡിവിഷണൽ കമ്മീഷണർ വിനയ് ശങ്കർ പാണ്ഡെ സ്ഥിരീകരിച്ചു.

അപകടത്തെ തുടർന്ന് നാട്ടുകാരും പൊലിസും സംഭവസ്ഥലത്തെത്തി. ഹെലികോപ്റ്ററിൽ ഏഴ് യാത്രക്കാർ ഉണ്ടായിരുന്നതായാണ് പ്രാഥമിക റിപ്പോർട്ടുകൾ വ്യക്തമാക്കുന്നത്. സംഭവത്തിന് ശേഷം പോലീസ്, സൈനികർ, ദുരന്ത നിവാരണ സേന, 108 ആംബുലൻസ് ടീം, ഭട്വാരി ബിഡിഒ, റവന്യൂ ടീം തുടങ്ങിയവർ സംഭവസ്ഥലത്തെത്തി രക്ഷാപ്രവർത്തനങ്ങളിൽ ഏർപ്പെട്ടു.

A private helicopter crashed in Uttarkashi district, Uttarakhand, killing five people and injuring two others. The victims were reportedly tourists heading towards Gangotri when the accident occurred near Gangnani. Garhwal Divisional Commissioner Vinay Shankar Pandey confirmed the incident. Rescue teams, including police and disaster response personnel, rushed to the scene.