അബൂദബി: യുഎസ് പ്രസിഡന്റ് ഡൊണാള്‍ഡ് ട്രംപ് തുടങ്ങിവച്ച വ്യാപാരയുദ്ധത്തില്‍ ഇന്ത്യയും ചൈനയും ഉള്‍പ്പെടെയുള്ള രാജ്യങ്ങള്‍ക്ക് പുറമെ തിരിച്ചടി നേരിട്ട് യുഎഇയും സഊദി അറേബ്യയും. ട്രംപിന്റെ പരിഷ്‌കരിച്ച തീരുവകള്‍ പ്രകാരം യുഎഇയും സഊദി അറേബ്യയും ഇറക്കുമതിക്ക് 10 ശതമാനം തീരുവ നേരിടേണ്ടിവരും. ചൈന, ജപ്പാന്‍, ഇന്ത്യ, യൂറോപ്യന്‍ യൂണിയന്‍ എന്നിവയുള്‍പ്പെടെ നിരവധി രാജ്യങ്ങള്‍ക്ക് മേലാണ് ട്രംപ് ഉയര്‍ന്ന 'പരസ്പര നികുതി' ഏര്‍പ്പെടുത്തിയത്. ഇത് അതതു രാജ്യത്ത് പണപ്പെരുപ്പം വര്‍ദ്ധിപ്പിക്കുന്നതിനും വളര്‍ച്ച സ്തംഭിപ്പിക്കുന്നതിനും കാരണമാകും. 

പാകിസ്ഥാന്‍ 29 ശതമാനവും ഇന്ത്യ 26 ശതമാനവും ഫിലിപ്പീന്‍സ് 17 ശതമാനവുമാണ് തീരുവ അടക്കേണ്ടത്. 20 ശതമാനം തീരുവ നേരിടുന്ന യൂറോപ്യന്‍ യൂണിയനും 24 ശതമാനം നിരക്കിന് ലക്ഷ്യമിടുന്ന ജപ്പാനും ഉള്‍പ്പെടെയുള്ള യുഎസിന്റെ അടുത്ത സഖ്യകക്ഷികളും ട്രംപിന്റെ നടപടിയില്‍നിന്ന് നിന്ന് രക്ഷപ്പെട്ടില്ല. 10 ശതമാനം താരിഫുകള്‍ ഏപ്രില്‍ 5 നും ഉയര്‍ന്ന പരസ്പര നിരക്കുകള്‍ ഏപ്രില്‍ 9 നും പ്രാബല്യത്തില്‍ വരും. ഇത് ഞങ്ങളുടെ സ്വാതന്ത്ര്യ പ്രഖ്യാപനമാണ് എന്നാണ് തീരുവ ചുമത്തല്‍ നടപടിയെ ട്രംപ് വിശേഷിപ്പിച്ചത്. 

 

 

ജിസിസി രാജ്യങ്ങള്‍ക്കും തിരുവ ചുമത്തി. യുഎഇക്കും സഊദിക്കും 10 ശതമാനവും ജോര്‍ദാന് 20 ശതമാനവും ആണ് തീരുവകള്‍ ചുമത്തിയത്. മെയ് മാസത്തില്‍ യുഎഇ, സൗദി അറേബ്യ, ഖത്തര്‍ എന്നിവ സന്ദര്‍ശിക്കാന്‍ പദ്ധതിയിടുന്നതായി ട്രംപ് നേരത്തെ പ്രഖ്യാപിച്ചിരുന്നു. ഇതിനിടെയാണ് ട്രംപിന്റെ നടപടി. 

ചുമത്തിയ തീരുവകളുടെ ഒരു ലിസ്റ്റ് ഇതാ:

Trump's tax war: A major setback for the UAE and Saudi Arabia