തിരുവനന്തപുരം: സംസ്ഥാനത്ത് അടുത്ത മൂന്ന് മണിക്കൂറില്‍  ഏഴ് ജില്ലകളില്‍ അതിശക്തമായ മഴ മുന്നറിയിപ്പ്. കൊല്ലം, ആലപ്പുഴ, കോട്ടയം, തിരുവനന്തപുരം, പത്തനംതിട്ട, ഇടുക്കി, എറണാകുളം ജില്ലകളിലെ ഒറ്റപ്പെട്ടയിടങ്ങളിലാണ് മഴയ്ക്കും ഇടിമിന്നലിനും സാധ്യതയുള്ളത്. ഇവിടങ്ങളില്‍ മൂന്ന് മണിക്കൂര്‍ നേരത്തേക്ക് ഓറഞ്ച് അലര്‍ട്ടും പ്രഖ്യാപിച്ചിട്ടുണ്ട്.

'അടുത്ത 3 മണിക്കൂറില്‍ കേരളത്തിലെ കൊല്ലം, ആലപ്പുഴ, കോട്ടയം, തിരുവനന്തപുരം, പത്തനംതിട്ട, ഇടുക്കി, എറണാകുളം (ORANGE ALERT: അടുത്ത മൂന്നു മണിക്കൂര്‍ മാത്രം)  ജില്ലകളില്‍ ഒറ്റപ്പെട്ടയിടങ്ങളില്‍ ഇടിമിന്നലോട് കൂടിയ ഇടത്തരം മഴയ്ക്കും മണിക്കൂറില്‍ 40 കിലോമീറ്റര്‍ വരെ വേഗതയില്‍ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു.'

യെല്ലോ അലര്‍ട്ട്

ഇന്ന് സാധാരണ ഗതിയില്‍ വിവിധ ജില്ലകളില്‍ യെല്ലോ അലര്‍ട്ടാണ് പ്രഖ്യാപിച്ചത്. പ്രത്യേക സാഹചര്യം കണക്കിലെടുത്താണ് ഇപ്പോള്‍ മൂന്ന് മണിക്കൂര്‍ നേരത്തേക്ക് ഓറഞ്ച് അലര്‍ട്ട് പ്രഖ്യാപിച്ചിട്ടുള്ളത്. നേരത്തെ തിരുവനന്തപുരം, കൊല്ലം, പത്തനംതിട്ട, കോട്ടയം, എറണാകുളം, ഇടുക്കി, തൃശൂര്‍ ജില്ലകള്‍ക്ക് യെല്ലോ അലര്‍ട്ടാണുള്ളത്. 

നാളെ ഇടുക്കിയിലും, പാലക്കാടും, മലപ്പുറത്തും, വയനാടും യെല്ലോ അലര്‍ട്ട് പ്രഖ്യാപിച്ചിട്ടുണ്ട്. 

മഴയോടൊപ്പം ശക്തമായ ഇടിമിന്നലിനും സാധ്യതയുള്ളതിനാല്‍ പൊതുജനങ്ങള്‍ ജാഗ്രത പാലിക്കണമെന്ന് കേന്ദ്ര കാലാവസ്ഥ വകുപ്പ് അറിയിച്ചിട്ടുണ്ട്.

ചക്രവാതച്ചുഴി

തെക്കന്‍ തമിഴ്‌നാടിന്  മുകളിലും തെക്കന്‍ ആന്‍ഡമാന്‍ കടലിന് മുകളിലുമായി സ്ഥിതി ചെയ്യുന്ന ചക്രവാതച്ചുഴിയാണ് കേരളത്തിലെ മഴ സാധ്യത സജീവമാക്കി നിര്‍ത്തുന്നത്. ഇതിന് പുറമെ അറബിക്കടലില്‍ നിന്നും  ബംഗാള്‍  ഉള്‍ക്കടലില്‍ നിന്നും വരുന്ന കാറ്റിന്റെ  സംയോജന ഫലമായി കേരളത്തില്‍  ഏപ്രില്‍ 4  മുതല്‍ 6 വരെ ഒറ്റപ്പെട്ട സ്ഥലങ്ങളില്‍ ശക്തമായ  ഇടിമിന്നലോടു കൂടിയ മഴയ്ക്ക് സാധ്യതയെന്ന്  കേന്ദ്ര കാലാവസ്ഥ വകുപ്പ് അറിയിച്ചു. 

Heavy rain and thunderstorms are expected in isolated areas of Kollam, Alappuzha, Kottayam, Thiruvananthapuram, Pathanamthitta, Idukki, and Ernakulam districts in the next three hours. An orange alert has been issued for these areas.