കോഴിക്കോട്: രാജ്യത്തെ ഏറ്റവും വലിയ ന്യൂനപക്ഷ വിഭാഗമായ മുസ്ലിം സമുദായത്തെ രണ്ടാം തര പൗരന്മാരാക്കി അപരവൽക്കരിക്കുന്നതിനും അവരുടെ വിശ്വാസത്തിൻ്റെ ഭാഗമായി സംരക്ഷിക്കപ്പെട്ട് വരുന്ന വഖ്ഫ് ഭൂമി പിടിച്ചെടുക്കുന്നതിനും കേന്ദ്രസർക്കാർ കൊണ്ടുവന്ന വഖ്ഫ് കയ്യേറ്റ നിയമം പിൻവലിക്കണമെന്നാവശ്യപ്പെട്ട് ഏപ്രിൽ 10 വ്യാഴാഴ്ച വൈകുന്നേരം 7 മണിക്ക് എസ് കെ എസ് എസ് എഫ് മേഖലാ തലങ്ങളിൽ ഭരണഘടന സംരക്ഷണ റാലി സംഘടിപ്പിക്കും. രാജ്യത്ത് വിഭാഗീയത വളർത്തി മുസ്ലിംകളെ നിരന്തരമായി വേട്ടയാടുന്ന സംഘപരിവാർ സർക്കാർ ഭരണഘടന പൂർണമായും അട്ടിമറിച്ച് ആർഎസ്എസിന്റെ അജണ്ട നടപ്പിലാക്കുകയാണെന്ന് എസ് കെ എസ് എസ് എഫ് ആരോപിച്ചു. 

ഇന്ത്യൻ ഭരണഘടനയ്ക്ക് പകരം വിചാരധാരയുടെ പ്രത്യയശാസ്ത്രങ്ങൾ വേദവാക്യമാക്കി ഇന്ത്യൻ മുസ്ലിംകളെ കൊള്ളയടിക്കുന്നതിന് സംഘപരിവാർ ഭരണകൂടം കൊണ്ട് വന്ന വഖ്ഫ് ഭേദഗതി ബില്ലിലെ അപകടമായ വശങ്ങൾ വിശകലനം ചെയ്യുന്ന ദേശീയ സെമിനാർ ഏപ്രിൽ അവസാന വാരം സംഘടിപ്പിക്കും.

പ്രസിഡണ്ട് പാണക്കാട് സയ്യിദ് ഹമീദലി ശിഹാബ് തങ്ങൾ അധ്യക്ഷനായി പാണക്കാട് സയ്യിദ് ഹാശിറലി ശിഹാബ് തങ്ങൾ, സത്താർ പന്തല്ലൂർ, ഒ.പി.എം അശ്റഫ് കുറ്റിക്കടവ്, അയ്യൂബ് മാസ്റ്റർ മുട്ടിൽ, ബശീർ അസ്അദി നമ്പ്രം, റശീദ് ഫൈസി വെള്ളായിക്കോട്,സയ്യിദ് മുബശീർ തങ്ങൾ ജമലുല്ലൈലി, സയ്യിദ് നിയാസലി ശിഹാബ് തങ്ങൾ .  ആശിഖ് കുഴിപ്പുറം, ശമീർ ഫൈസി ഓടമല, മൊയ്തീൻ കുട്ടി യമാനി പന്തിപ്പൊയിൽ, അബ്ദുൽ ഖാദിർ ഹുദവി എറണാകുളം,സി.ടി ജലീൽ പട്ടർകുളം, അനീസ് ഫൈസി മാവണ്ടിയൂർ,സുധീർ മുസ്‌ലിയാർ ആലപ്പുഴ, ഡോ.അബ്ദുൽഖയ്യൂം, ശാഫി മാസ്റ്റർ ആട്ടീരി,  മുഹമ്മദലി മുസ്‌ലിയാർ കൊല്ലം,സത്താർ ദാരിമി തിരുവത്ര, നൂറുദ്ദീൻ ഫൈസി മുണ്ടുപാറ, അൻവർ സ്വാദിഖ് ഫൈസി കാഞ്ഞിരപ്പുഴ ,അലി അക്ബർ മുക്കം, സുറൂർ പാപ്പിനിശേരി , നസീർ മൂരിയാട്, ഇസ്മാഈൽ യമാനി മംഗലാപുരം, ഫാറൂഖ് ദാരിമി കൊല്ലംപാടി, ശമീർ ഫൈസി കോട്ടോപ്പാടം സംബന്ധിച്ചു.