ദുബൈ: കാണികളില്‍ കുതിരക്കുളമ്പടികളുടെ ആവേശം നിറച്ച് ദുബൈ വേള്‍ഡ് കപ്പ് ഖത്തറിന്റെ ഹിറ്റ് ഷോ സ്വന്തമാക്കി. ഫ്‌ലോറന്റ് ജെറോക്‌സായിരുന്നു ഹിറ്റ് ഷോയുടെ ജോക്കി.

അവസാന നൂറു മീറ്ററില്‍ ഒപ്പമുള്ളവരെ പിന്നിലാക്കിയാണ് ഹിറ്റ് ഷോ ആവേശക്കടല്‍ തീര്‍ത്ത പോരാട്ടത്തില്‍ ജേതാവായത്. ഇതോടെ 103 കോടി ഇന്ത്യന്‍ രൂപയുടെ (1.2 കോടി ഡോളര്‍) സമ്മാനത്തിന് അവകാശിയാകാനും ഹിറ്റ് ഷോക്കായി. പോരാട്ടത്തില്‍ മിക്‌സ്‌ടൊ രണ്ടാം സ്ഥാനത്തും ഫോര്‍എവര്‍ യംങ് മൂന്നാം സ്ഥാനത്തും എത്തി.

ആകെ 3.05 കോടി ഡോളറാണ് 9 വിഭാഗങ്ങളിലെയും ജേതാക്കള്‍ക്ക് സമ്മാനിച്ചത്. ഒന്നു മുതല്‍ 8 വരെയുള്ള കാറ്റഗറികളിലെ വിജയികള്‍ക്ക് യഥാക്രമം പത്തു ലക്ഷം മുതല്‍ അറുപതു ലക്ഷം ഡോളര്‍ വരെയാണ് സമ്മാനം. 13 രാജ്യങ്ങളില്‍ നിന്നായി നൂറിലധികം കുതിരകളാണ് വിവിധ മത്സരങ്ങളില്‍ പങ്കാളികളായത്. 

അറുപതിനായിരത്തിലധികം പേര്‍ ആവേശം നിറഞ്ഞ മത്സരങ്ങള്‍ കാണാനായി മെയ്ദാന്‍ റേസ് കോഴ്‌സില്‍ എത്തിയെന്ന് ദുബൈ റേസിംങ് ക്ലബ് ചെയര്‍മാന്‍ ഷെയ്ഖ് റാഷിദ് ബിന്‍ ദല്‍ദൂക് അറിയിച്ചു.

യുഎഇ വൈസ്പ്രസിന്റും ദുബൈ ഭരണാധികാരിയുമായിരുന്ന ഷെയ്ഖ് റാഷിദ് അല്‍ മക്തൂമിന്റെ നേതൃത്വത്തിലായിരുന്നു മത്സരങ്ങള്‍ നടന്നത്.
 
8 വിഭാഗങ്ങളിലായി നടന്ന മറ്റു മത്സരത്തിലെ വിജയികള്‍
ദുബൈ ടര്‍ഫ്‌സോള്‍ റഷ്
ദുബൈ ഷീമ ക്ലാസിക്-ഡാനല്‍ ഡെസൈല്‍
ദുബൈ ഖയാല ക്ലാസിക്-ഫസ്റ്റ് ക്ലാസ്
ദുബൈ ഗോഡ് കപ്പ്-ദുബൈ ഫ്യൂച്ചര്‍
ഗൊഡോള്‍ഫിന്‍ മൈല്‍-റാഗിങ് ടൊറന്റ്
അല്‍ ഖൂസ് സ്പിന്റ്-ബിലീവിങ്
യുഎഇ ഡെര്‍ബി-അഡ്മയര്‍ ഡേടോണ
ഗോള്‍ഡന്‍ ഷഹീന്‍-ഡാര്‍ക്ക് സാഫ്രോണ്‍

Hit show delivered a stunning upset at the prestigious Dubai World Cup, leaving the racing world in awe. The thunder of horse hooves echoed through the track as Qatar’s victory shocked fans and reshaped expectations in the equestrian world