കുവൈത്ത് സിറ്റി: വടക്കൻ കുവൈത്തിൽ KOC (കുവൈത്ത് ഓയിൽ കമ്പനി) യുടെ സൈറ്റിൽ കഴിഞ്ഞ ദിവസം ഉണ്ടായ അപകടത്തിൽ പരുക്കേറ്റ മലയാളി മരിച്ചു. ആലപ്പുഴ മാവേലിക്കര തട്ടാരമ്പലം സ്വദേശി രാമൻ പിള്ള(61)യാണ് മരിച്ചത്. കുവൈത്ത് ഓയിൽ കമ്പനിയുടെ കീഴിലുള്ള കരാർ കമ്പനിയിൽ ടെക്നിഷ്യൻ ആയി ജോലി ചെയ്തു വരികയായിരുന്നു.

ഭാര്യ ഗീത. ഏക മകൾ അഖില എഞ്ചിനീയറിംഗ് വിദ്യാർത്ഥിനിയാണ്. 

 നടപടിക്രമങ്ങൾ പൂർത്തിയാക്കിയ ശേഷം മൃതദേഹം നാട്ടിലേക്ക് കൊണ്ടു പോകും. ഇന്നലെ കാലത്ത് 10 മണിക്കാണ് അപകടം സംഭവിച്ചത്. പൈപ്പ്ലൈൻ വാൽവ് പൊട്ടി തെറിച്ചാണ് അപകടം ഉണ്ടായതെന്നാണ് ലഭിച്ച വിവരം.

Malayali dies in accident in Kuwait