തിരുവനന്തപുരം: തമിഴ്നാട്ടിലെ കുഴിത്തുറ അണ്ടുക്കോട്ടിൽ വന്‍ മോഷണത്തിൽ പങ്കെടുത്ത കേസിൽ രണ്ടു തിരുവനന്തപുരം സ്വദേശികളെ തമിഴ്നാട് പൊലീസ് അറസ്റ്റുചെയ്തു. ഇടയ്ക്കോട് ചെമ്മൺങ്കാൽ സ്വദേശിയായ വിജയകുമാർ (48), വട്ടിയൂർക്കാവ് മുഴവുകാട് സ്വദേശി രാജൻ (62) എന്നിവരാണ് പിടിയിലായത്.

കേസനുസരിച്ച്, മാർച്ച് 20-നാണ് മോഷണം നടന്നത്. തിരുനെൽവേലിയിലെ സർക്കാർ ബാങ്കിൽ ജോലി ചെയ്യുന്ന സുബാഷും, കളിയിക്കാവിള പോസ്റ്റ് ഓഫീസിൽ ജോലി ചെയ്യുന്ന ഭാര്യ ലിബിയും  വീട്ടിൽ ഉണ്ടായിരുന്നില്ല. ഈ അവസരമാണ് പ്രതികൾ മുതലെടുത്തത്. വീട്ടിന്റെ മുൻവശത്തെ വാതിൽ തകർത്ത് ഇവർ 35 പവൻ സ്വർണം കവർന്നു.

മോഷണത്തെ തുടർന്ന് അയൽവാസികളാണ് വീട്ടിന്റെ വാതിൽ തകർന്നുകിടക്കുന്നത് കണ്ടത്. ഇവരുടെ വിവരത്തിൽ അരുമന പൊലീസ് സ്ഥലത്തെത്തി അന്വേഷണം ആരംഭിച്ചു. പ്രദേശത്തെ സിസിടിവി ദൃശ്യങ്ങൾ ഉൾപ്പെടെ പരിശോധിച്ചാണ് പ്രതികളെ തിരിച്ചറിയുകയും തമിഴ്നാട് പൊലീസിന്റെ പ്രത്യേക സംഘം അറസ്റ്റ് നടത്തുകയും ചെയ്തത്.

പ്രതികളുടെ കൈവശം നിന്ന് 20 പവൻ സ്വർണം പിടിച്ചെടുത്തു. ഇരുവരെയും കോടതിയിൽ ഹാജരാക്കിയ ശേഷം റിമാൻഡ് ചെയ്തു. പോലീസ് അന്വേഷണത്തിൽ കൂടുതൽ വെളിപ്പെടുത്തലുകൾ പ്രതീക്ഷിക്കുന്നു.

Two Thiruvananthapuram natives, Vijayakumar (48) from Chemmankala and Rajan (62) from Vattiyoorkavu, were arrested by Tamil Nadu Police in connection with a house theft in Kuzhithurai, Tamil Nadu. The duo allegedly broke into a house on March 20 and stole 35 sovereigns of gold. The victims, a bank employee and his wife, were away at work during the incident. CCTV footage helped police identify the suspects. Twenty sovereigns were recovered from the accused, who are now remanded.