ന്യൂഡല്‍ഹി: വഖ്ഫ് നിയമ ഭേദഗതിയിലെ സെക്ഷന്‍ 2 എ വകുപ്പിന്റെ ഭരണഘടന സാധുതയെ പിന്തുണക്കാതെ കേന്ദ്രസര്‍ക്കാറിന് വേണ്ടി ഹാജരായ സോളിസിറ്റര്‍ ജനറല്‍ തുഷാര്‍മേത്ത. വകുപ്പിലെ വാചകങ്ങള്‍ എങ്ങനെ വന്നുവെന്ന് അറിയില്ലെന്നാണ് സോളിസിറ്റര്‍ ജനറല്‍ തുഷാര്‍ മേത്ത ഇന്നലെ കോടതിയില്‍ വ്യക്തമാക്കിയത്. കേരളത്തിലെ മുനമ്പം പ്രശ്‌നം പരിഹരിക്കുന്നതിനടക്കം പരിഹാരമാകുമെന്ന് ബി.ജെ.പി നേതാക്കള്‍ പ്രഛരിപ്പിച്ചിരുന്ന വകുപ്പാണ് വഖ്ഫ് നിയമ ഭേദഗതിയിലെ സെക്ഷന്‍ 2 എ. 
ഈ വകുപ്പ് നിലനില്‍ക്കില്ലെന്ന് ചീഫ് ജസ്റ്റിസ് സഞ്ജീവ് ഖന്ന ഇന്ന അഭിപ്രായപ്പെട്ടതോടെയാണ് തുഷാര്‍മേത്ത കൈയ്യൊഴിഞ്ഞത്. സുപ്രിംകോടതിയോ ഹൈകോടതിയോ പുറപ്പടിവിക്കുന്ന നിയമം റദ്ദാക്കാന്‍ പാര്‍ലമെന്റിന് അധികാരമില്ല. 
കോടതി വിധിയുടെ അടിസ്ഥാനത്തില്‍ നിയമ നിര്‍മ്മാണത്തിന് മാത്രമാണ് പാര്‍ലമെന്റിന് അധികാരം. വകുപ്പിലെ നിര്‍ദേശം അധികാര വിഭജനത്തിന്റെ ലംഘനമാണെന്നും ചീഫ് ജസ്റ്റിസ് പറഞ്ഞു. ഇതോടെയാണ് സോളിസിറ്റര്‍ ജനറല്‍ തുഷാര്‍ മേത്ത ഈ വാചകങ്ങള്‍ എങ്ങനെയാണ് നിയമ ഭേദഗതിയുടെ ഭാഗമായത്തെന്ന് അറിയില്ലെന്ന് പറഞ്ഞത്. 

Solicitor General Tushar Mehta, did not support the constitutional validity of Section 2A of the Waqf Amendment Act