ബെംഗളൂരു: മുംബൈ സ്വദേശിയായ സിനിമാനടി നൽകിയ പരാതിയുടെ അടിസ്ഥാനത്തിൽ ആന്ധ്രാപ്രദേശ് മുന്‍ ഇന്റലിജന്‍സ് ഡിജിപിയായ പി.എസ്.ആര്‍ ആഞ്ജനേയലുവിനെ അറസ്റ്റ് ചെയ്തു. 1992 ബാച്ച് ഐപിഎസ് ഉദ്യോഗസ്ഥനായ ആഞ്ജനേയലു നിലവിൽ സസ്പെൻഷനിലായിരുന്നു. ഹൈദരാബാദിൽ വച്ചാണ് അദ്ദേഹത്തെ ഇന്ന് ഉച്ചയോടെ അറസ്റ്റ് ചെയ്തത്.

മുംബൈയിലെ ഒരു കോർപ്പറേറ്റ് ഉദ്യോഗസ്ഥന് എതിരെ നടി നൽകിയ ലൈംഗിക പീഡനക്കേസുമായി ബന്ധപ്പെട്ടാണ് നടപടി. കേസിൽ നിന്ന് പിൻമാറാനായി നടിയെയും മാതാപിതാക്കളെയും ഭീഷണിപ്പെടുത്തിയെന്നും, അവരെ കള്ളക്കേസിൽ കുടുക്കിയെന്നും നടിയുടെ പരാതിയിൽ പറയുന്നു.

വൈഎസ്ആർ കാവലും നേതാവുമായ കുക്കല വിദ്യാസാഗർ നൽകിയ ഭൂമി തട്ടിപ്പ് കേസിന്റെ അടിസ്ഥാനത്തിലാണ് അന്ന് നടിയെയും അവരുടെ കുടുംബത്തെയും അറസ്റ്റ് ചെയ്തത്. കസ്റ്റഡിയിലുള്ളതിനിടെ, ആഞ്ജനേയലു നേരിട്ടെത്തി ലൈംഗിക പീഡനക്കേസ് പിൻവലിക്കാൻ സമ്മർദ്ദം ചെലുത്തിയതായും ഭീഷണിപ്പെടുത്തിയതായും നടി പരാതിയിൽ ആരോപിച്ചു.

കേസുമായി ബന്ധപ്പെട്ട് ചോദ്യം ചെയ്യലിനായി ആഞ്ജനേയലുവിനെ ആന്ധ്രയിലെ വിജയവാഡയിലേക്ക് കൊണ്ടുവന്നതായി പോലീസ് ഉദ്യോഗസ്ഥർ അറിയിച്ചു. സംഭവത്തിൽ അന്വേഷണം പുരോഗമിക്കുകയാണ്.

Former Andhra Pradesh Intelligence DGP PSR Anjaneyalu has been arrested following a harassment complaint filed by a Mumbai-based film actress. The actress alleged that Anjaneyalu illegally detained and threatened her and her parents to withdraw a sexual harassment case against a corporate executive. The incident took place during the tenure of the YSRCP government. Anjaneyalu, currently under suspension, was arrested in Hyderabad and taken to Vijayawada for further questioning.