ദുബൈ : മേക്കപ്പ് എല്ലാ കാലത്തും സ്തീകളുടെ ഒരു വീക്ക്നെസ്സ് ആണ്. എന്നാൽ ഇന്നലെ നിലവിൽ വന്ന കുവൈത്തിലെ പുതിയ ​ഗതാ​ഗത നിയമത്തിൽ മേക്കപ്പിൽ തത്പരരായ സ്ത്രീകൾക്കായി ഒരു നിയമം തന്നെയുണ്ട്. പുതിയ ​ഗതാ​ഗത നിയമ പ്രകാരം വാഹനമോടിക്കുന്നതിനിടെ മേക്കപ്പ് ഇടുന്ന സ്ത്രീകളിൽ നിന്ന് 75 കുവൈത്ത് ദിനാർ പിഴയായി ഈടാക്കാനാണ് നിയമത്തിൽ വ്യവസ്ഥ ചെയ്തിരിക്കുന്നത്. രാജ്യത്തുടനീളമുള്ള അശ്രദ്ധമായ ഡ്രൈവിംഗ് തടയുന്നതിനും റോഡ് സുരക്ഷ വർധിപ്പിക്കാനും ലക്ഷ്യമിട്ടാണ് ഇന്നലെ മുതൽ കുവൈത്തിൽ പുതിയ ​ഗതാ​ഗത നിയമം പ്രാബല്യത്തിൽ വന്നത്.

ലെഫ്റ്റനന്റ് കേണൽ യൂസഫ് അൽ റബാഹ് പറയുന്നത് പ്രകാരം, വാഹനം ഓടിക്കുമ്പോൾ മൊബൈൽ ഫോൺ ഉപയോഗിക്കുന്നതിനും, ഭക്ഷണം കഴിക്കുന്നതിനും സമാനമായ ലംഘനം തന്നെയാണ് വാഹനമോടിക്കുമ്പോൾ മേക്കപ്പ് ചെയ്യുന്നതും. കുറ്റം ആവർത്തിക്കുന്നവർക്ക് കൂടുതൽ കഠിനമായ പിഴകൾ നേരിടേണ്ടതായി വരാം. 2024 ലെ റോഡപകടങ്ങളുടെ പശ്ചാത്തലത്തിലാണ് ഈ നീക്കം. 14 വയസ്സിന് താഴെയുള്ള 11 കുട്ടികൾ ഉൾപ്പെടെ 284 റോഡപകട മരണങ്ങളാണ് കഴിഞ്ഞവർഷം സംഭവിച്ചിട്ടുള്ളത്.

കുവൈത്തിലെ പ്രശസ്ത വ്യക്തികളും സോഷ്യൽ മീഡിയ ഇൻഫ്ലുവൻസർമാരും ഈ വിഷയത്തിൽ അവബോധം വ്യാപിപ്പിക്കാനായി രം​ഗത്തെത്തി. കുവൈത്തി എഴുത്തുകാരി ലൈല അൽ ഖഹ്റ്റാനി ഇന്നലെ നൽകി മുന്നറിയിപ്പ് ഇങ്ങനെയാണ്: "സ്ത്രീകളേ, ശ്രദ്ധിക്കുക: വാഹനമോടിക്കുമ്പോൾ മേക്കപ്പ് ചെയ്യരുത്. നാളെ മുതൽ 75 കുവൈത്തി ദിനാർ (KD) ആയിരിക്കും പിഴ."

Kuwait's traffic authorities have cautioned drivers, particularly women, to avoid applying makeup while driving, as it can be a distraction and lead to accidents. Violators may face a fine of 75 dinars. The warning emphasizes the importance of staying focused on the road to ensure safety