കോട്ടയം: ചങ്ങനാശേരി മോസ്‌കോയിൽ സ്ത്രീയെ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി. മോസ്‌കോ സ്വദേശിയായ മല്ലികയാണ് മരിച്ചത്. 38 വയസായിരുന്നു. സംഭവത്തിൽ ഭർത്താവായ അനീഷിനെ പൊലിസ് കസ്റ്റഡിയിൽ എടുക്കുകയും ചെയ്തു. മദ്യപിച്ച് ഇരുവരും തമ്മിൽ സ്ഥിരമായി പ്രശ്നങ്ങൾ നടന്നിരുന്നുവെന്നാണ് നാട്ടുകാർ പറയുന്നത്.

സംഭവത്തിൽ മല്ലികയെ ആശുപത്രിയിൽ കൊണ്ടുപോവുന്നതിനിടെ ഡ്രൈവർക്ക് സംശയം തോന്നുകയും പൊലിസിനെ അറിയിക്കുകയും ആയിരുന്നു. സ്ത്രീയുടെ ശരീരത്തിൽ മുറിവേറ്റ പാടുകളും രക്തക്കറകളും ഉണ്ടായിരുന്നു. സംഭവത്തിൽ തൃക്കൊടിത്താനം പൊലിസ് അന്വേഷണം ആരംഭിച്ചു. പോസ്റ്റ് മോർട്ടം റിപ്പോർട്ട് കിട്ടിയാൽ മാത്രമേ മരണകാരണം അറിയാൻ സാധിക്കുമെന്നാണ് പൊലിസ് അറിയിച്ചത്.  

Woman found dead under mysterious circumstances in Kottayam husband in police custody