മസ്‌കത്ത്:  ഒമാനില്‍ ബീച്ചില്‍ നീന്തുന്നതിനിടെ രണ്ട് സഹോദരങ്ങള്‍ മുങ്ങിമരിച്ചു. റോയല്‍ ഒമാന്‍ പൊലിസാണ് ഇക്കാര്യം അറിയിച്ചത്. അല്‍ ഖബൂറ ബീച്ചില്‍ നീന്തുന്നതിനിടെയാണ് പത്തും ഏഴും വയസ്സ് പ്രായമുള്ള രണ്ട് സഹോദരങ്ങള്‍ മുങ്ങിമരിച്ചത്.

കോസ്റ്റ് ഗാര്‍ഡ് പൊലിസും നോര്‍ത്ത് അല്‍ ബത്തിന ഗവര്‍ണറേറ്റിലെ പൗരന്മാരും ചേര്‍ന്നാണ് ഇവരുടെ മൃതദേഹങ്ങള്‍ കണ്ടെടുത്തത്. ഈ വര്‍ഷം ഫെബ്രുവരി 15 ന് ബഹ്‌ലയിലെ വിലായത്തിന്റെ ഭാഗമായ ഐന്‍ വാഡയില്‍ രണ്ട് പേര്‍ മുങ്ങിമരിച്ചിരുന്നു.

2024 ഒക്ടോബര്‍ 8ന് നടന്ന മറ്റൊരു സംഭവത്തില്‍, അല്‍ ഹദ്ദാ പ്രദേശത്ത് ജലാന്‍ ബാനി ബു അലിയിലെ വിലായത്തില്‍ ഒരു കുട്ടി മുങ്ങിമരിച്ചിരുന്നു. മരിച്ച കുട്ടിയോടൊപ്പമുണ്ടായിരുന്ന മറ്റൊരു കുട്ടിയെ സമീപത്തുള്ളവര്‍ രക്ഷപ്പെടുത്തിയിരുന്നു.

Two brothers tragically drown while swimming at a beach in Oman, prompting a call for increased safety measures at coastal areas