തിരുവനന്തപുരം: കേരളത്തിൽ ഇന്നും ഒറ്റപ്പെട്ട മഴക്ക് സാധ്യതയെന്ന് കേന്ദ്ര കാലാവസ്ഥാ വകുപ്പ്. ഒറ്റപ്പെട്ട പ്രദേശങ്ങളിൽ ഇടിമിന്നലോട് കൂടിയ മഴക്കും മണിക്കൂറിൽ 40-50 കിലോ മീറ്റർ വേഗതയിലുള്ള ശക്തമായ കാറ്റിനും സാധ്യതയുണ്ടെന്നും കാലാവസ്ഥാ വകുപ്പ്. ഇതുവരെ ഒരു ജില്ലയിലും പ്രത്യേക  ജാഗ്രത മുന്നറിയിപ്പ് നൽകിയിട്ടില്ല. 

ഇത്തവണ തെക്ക് പടിഞ്ഞാറൻ കാലവർഷം നേരത്തെ എത്തുമെന്നും കാലാവസ്ഥ വകുപ്പിന്റെ പ്രവചനം ഉണ്ട്. മെയ് 27 ആവുമ്പോഴേക്കും കാലവർഷം കേരള തീരത്തെ എത്തിയേക്കുമെന്നും അറിയിപ്പ് നൽകിയിട്ടുണ്ട്. എന്നാൽ ഇത് നാല് ദിവസം നേരത്തെയോ വൈകിയോ എത്താനും സാധ്യതകളുണ്ട്. 

ചൊവ്വാഴ്ചയോടെ ആൻഡമാൻ കടലിൽ കാലവർഷം എത്തുമെന്നാണ് കാലാവസ്ഥ വകുപ്പിന്റെ നിഗമനം. കഴിഞ്ഞ വർഷം മെയ് 31നായിരുന്നു കാലവർഷം ആരംഭിച്ചത്. കാലവർഷം എത്തുന്നതിന് മുമ്പായി വരാനിരിക്കുന്ന ദിവസങ്ങളിൽ ഒറ്റപ്പെട്ട സ്ഥലങ്ങളിൽ വേനൽ മഴ ശക്തമാക്കാനും സാധ്യതകൾ നിലനിൽക്കുന്നുണ്ട്. 

This time the monsoon will arrive early isolated rains are likely in Kerala today says the Meteorological Department