അതിവേഗ പാസഞ്ചര്‍ ട്രെയിന്‍ സര്‍വിസ് 2026 ല്‍ ആരംഭിക്കുമെന്ന് പ്രഖ്യാപിച്ച് ഇത്തിഹാദ് റെയിൽ. കമ്പനിയുടെ ഔദ്യോഗിക എക്‌സ് (മുമ്പ് ട്വിറ്റര്‍) അക്കൗണ്ട് വഴിയായിരുന്നു പ്രഖ്യാപനം.
 
2025 ജനുവരിയില്‍ പ്രഖ്യാപിച്ച ഈ പ്രോജക്റ്റ്, അബൂദബിയെയും ദുബൈയെയും ബന്ധിപ്പിക്കുന്ന യുഎഇയിലെ ആദ്യത്തെ പൂര്‍ണ്ണ വൈദ്യുത, അതിവേഗ പാസഞ്ചര്‍ ട്രെയിന്‍ നിര്‍മ്മിക്കാനാണ് ലക്ഷ്യമിടുന്നത്. ഈ ട്രെയിന്‍ രണ്ട് എമിറേറ്റുകള്‍ തമ്മിലുള്ള യാത്രാ സമയം വെറും 30 മിനിറ്റായി കുറയ്ക്കും.

മണിക്കൂറില്‍ 350 കിലോമീറ്റര്‍ വേഗതയില്‍ പ്രവര്‍ത്തിക്കുന്ന ഈ ട്രെയിന്‍, അബൂദബിയിലെ റീം ഐലന്‍ഡ്, സാദിയത്, യാസ് ഐലന്‍ഡ്, സായിദ് ഇന്റര്‍നാഷണല്‍ എയര്‍പോര്‍ട്ട് എന്നിവിടങ്ങളിലും ദുബൈയിലെ അല്‍ മക്തൂം ഇന്റര്‍നാഷണല്‍ എയര്‍പോര്‍ട്ട്, അല്‍ ജദ്ദാഫ് എന്നിവിടങ്ങളിലുമായി ആറ് പ്രധാന സ്റ്റേഷനുകളില്‍ നിര്‍ത്തും. പണി പൂര്‍ത്തിയാകുമ്പോള്‍, എതിഹാദ് റെയില്‍ നെറ്റ്വര്‍ക്ക് യുഎഇയിലുടനീളം 1,200 കിലോമീറ്ററിലധികം വ്യാപിച്ചു കിടക്കും.

2022ല്‍ യുഎഇ, ഒമാന്‍ സര്‍ക്കാരുകള്‍ തമ്മില്‍ ഒപ്പിട്ട കരാറിന് ശേഷം രൂപീകരിച്ച സംയുക്ത സംരംഭത്തിന്റെ ഭാഗമായി, ഒമാനിലെ സോഹാര്‍ പോര്‍ട്ട് യുഎഇ ദേശീയ റെയില്‍ നെറ്റ്വര്‍ക്കുമായി ബന്ധിപ്പിക്കുന്ന 303 കിലോമീറ്റര്‍ റെയില്‍വേയും എതിഹാദ് റെയില്‍ നിര്‍മ്മിക്കുന്നു. ഈ പ്രോജക്റ്റിന്റെ ആകെ നിക്ഷേപം 3 ബില്യണ്‍ ഡോളറാണെന്നാണ് കണക്കാക്കുന്നത്.

അതേസമയം, 2030 ആകുമ്പോഴേക്കും പ്രതിവര്‍ഷം 60 ദശലക്ഷം ടണ്‍ ചരക്ക്‌നീക്കം ഈ ട്രെയിന്‍ ഗതാഗതം വഴി സാധ്യമാകുമെന്ന് പ്രതീക്ഷിക്കുന്നു.

2022ല്‍, ഫുജൈറയിലാണ് ആദ്യത്തെ പാസഞ്ചര്‍ സ്റ്റേഷന്‍ സ്ഥാപിക്കുന്നതെന്നും യുഎഇയിലെ 11 പ്രദേശങ്ങളെ ഇത് ഒടുവില്‍ ബന്ധിപ്പിക്കുമെന്നും ഇത്തിഹാദ് റെയില്‍ പ്രഖ്യാപിച്ചിരുന്നു.

Etihad Rail, the UAE's national rail project, is set to launch its high-speed passenger service in 2026. The service will connect Abu Dhabi and Dubai, reducing travel time to just 30 minutes with speeds reaching up to 350 km/h. The network will have six stations across the two cities and is expected to boost the UAE's GDP by AED 145 billion over the next five decades ¹.