ദമാം: സമസ്ത കേരള സുന്നി സ്റ്റുഡന്റ്റ്സ് ഫെഡറേഷൻ (SKSSF) സംസ്ഥാന കമ്മിറ്റിയുടെ ജാരിയ പദ്ധതിയുടെ ജുബൈൽ സെൻട്രൽ തല ഉദ്ഘാടനം നിർവ്വഹിച്ചു. സമസ്ത ഇസ്‌ലാമിക് സെന്റർ ജുബൈൽ സെൻട്രൽ കമ്മിറ്റി ഇസ്‌ലാമിക് സെന്ററിൽ സംഘടിപ്പിച്ച ചടങ്ങിൽ എസ്‌ഐസി സീനിയർ നേതാവും സെൻട്രൽ കമ്മിറ്റി പ്രസിഡന്റുമായ സുലൈമാൻ ഖാസിമി, സഊദി നാഷണൽ സെക്രട്ടെറിയറ്റ് അംഗം അബ്ദുസ്സലാം കൂടരഞ്ഞി, ഈസ്റ്റേൺ സോൺ നേതാക്കളായ  ട്രഷറര്‍ മനാഫ് മാത്തോട്ടം, ഇബ്രാഹീം ദാരിമി, സെൻട്രൽ കമ്മിറ്റി നേതാക്കളായ ട്രഷറർ നിസാർ താമരശ്ശേരി, അബ്ദുസ്സമദ് കണ്ണൂർ, അബ്ദുള്ള കിടങ്ങഴി, നൗഫൽ നാട്ടുകൽ, ഇർഷാദ് മലയമ്മ തുടങ്ങിയവർ സംബന്ധിച്ചു. ജാരിയാ പദ്ധതിയിലേക്ക് പരമാവധി സഹായം ചെയ്യാൻ സെൻട്രൽ തലത്തിൽ മുഴുവൻ പ്രവർത്തകരോടും നേതാക്കൾ ആഹ്വാനം ചെയ്തു.

തിരുവനന്തപുരം RCC യുടെ അടുത്ത് എസ് കെ എസ് എസ് എഫിന്റെ ആതുര സേവന സംരംഭമായ 'സഹചാരി'ക്കുവേണ്ടി ഏറ്റെടുത്ത ഭൂമിയിൽ ഒരു ബഹുനില കെട്ടിടം, കോഴിക്കോട് മെഡിക്കൽ കോളേജ് MVR പരിസരത്ത് സഹചാരി ഏറ്റെടുത്ത ഭൂമിയിൽ കെട്ടിട നിർമ്മാണം, കേരളത്തിന് പുറത്ത് ഇതര സംസ്ഥാനങ്ങളിൽ മതഭൗതിക വിദ്യാഭ്യാസം നൽകുന്ന സംവിധാനമായ കമ്മ്യുണിറ്റി ലേർണിങ് സെന്റർ (CLC) വ്യാപിപ്പിക്കുക, വിദ്യാഭ്യാസ പ്രവർത്തകർക്കും ട്രൈനർമാർക്കും

വ്യവസ്ഥാപിതമായ പരിശീലനം നൽകുന്നതിൻ്റെ  ഭാഗമായി ടീം റിസോഴ്സ് ഫോർ എഡ്യൂക്കേഷൻ ആൻഡ് നാഷണൽ ഡെവലപ്പ്മെന്റ് (TREND)- ട്രൈനിങ്ങ് സെൻ്റർ സ്ഥാപിക്കുന്നതിന് അനുയോജ്യമായ ഏരിയ കണ്ടെത്തി ഭൂമി ഏറ്റെടുക്കുകയും സെൻറർ സ്ഥാപിക്കുകയും ചെയ്യുക, പ്രവർത്തക ഫണ്ട് എന്നിവ ലക്ഷ്യമാക്കിയാണ് സംസ്ഥാന കമ്മിറ്റി ജാരിയ പദ്ധതി നടത്തിവരുന്നത്. സമസ്ത സ്നേഹികൾ പദ്ധതി ഏറ്റെടുത്തു എന്നതിന്റെ ചുരുങ്ങിയ ദിവസങ്ങൾക്കുള്ളിൽ തന്നെ ഇതിലേക്ക് വന്നെത്തിയ സഹായങ്ങൾ. പങ്കാളികൾ ആകുന്നവർക്ക് തങ്ങളുടെ പങ്കാളിത്തം വ്യക്തമായി കാണുന്ന രൂപത്തിൽ പ്രത്യേക ആപ് നിർമിച്ച് അതിലൂടെയാണ് ജാരിയാ പദ്ധതി നടന്നു വരുന്നത്.