ഡൽഹി: പാകിസ്താനിലെ റാവൽപിണ്ടി നുർഖാൻ വ്യോമത്താവളം ഇന്ത്യ ആക്രമിച്ചെന്ന് പാകിസ്താൻ. പാക് പ്രധാനമന്ത്രിയായ ഷഹബാസ് ഷെരീഫാണ് ഇക്കാര്യം സ്ഥിരീകരിച്ചത്. ഇന്ത്യ ആക്രമണം നടത്തിയ വിവരം സൈനിക മേധാവിയാണ് തന്നെ അറിയിച്ചതെന്നും പാകിസ്താൻ പ്രധാനമന്ത്രി വ്യക്തമാക്കി.  

പഹൽഗാം ഭീകര ആക്രമണത്തെ തുടർന്ന് അടച്ചിട്ട ഇന്ത്യ-പാക് അതിർത്തി അട്ടാരി വാഗ ബോർഡർ തുറന്നിട്ടുണ്ട്. 23 ദിവസങ്ങൾക്ക് ശേഷമാണ് ഈ ബോർഡർ തുറക്കുന്നത്. അഫ്ഗാനിസ്ഥാനിൽ നിന്നും എത്തിയ എട്ട് ട്രെക്കുകളാണ് അതിർത്തിയിലൂടെ ഇന്ത്യയിൽ എത്തിയത്. ഇന്ത്യ-പാക് സംഘർഷങ്ങൾക്ക് പിന്നാലെ 150 ചരക്കുലോറികൾ ലാഹോറിലും വാഗയ്ക്കും ഇടയിൽ കുടുങ്ങിയിരുന്നു. വെടിനിർത്തൽ സ്ഥിരീകരിച്ചതോടെ അഫ്ഗാൻ ചരക്കു വണ്ടികൾക്ക് മാത്രം അതിർത്തി തുറക്കുകയായിരുന്നു. ഏപ്രിൽ 24 മുതൽ അട്ടാരി അതിർത്തിയിൽ ഈ ട്രെക്കുകൾ കുടുങ്ങിക്കിടക്കുകയായിരുന്നു. ഇന്തോ ഫോറിൻ ചേംബർ ഓഫ് കോമേഴ്‌സ് പ്രസിഡന്റ് ബികെ ബജാജാണ് ഇക്കാര്യം സ്ഥിരീകരിച്ചത്. 

ഏപ്രിൽ 22നാണ് രാജ്യത്തെ ഞെട്ടിച്ച ജമ്മു കശ്മീരിലെ ഭീകരാക്രമണം നടന്നത്. അക്രമത്തിൽ 27ലധികം നിരപരാധികളായ വിനോദസഞ്ചാരികൾ ആണ് കൊല്ലപ്പെട്ടത്. ട്രക്കിങിനായി പോയവർക്ക് നേരെയാണ് ആക്രമണം നടന്നത്. 2019ന് ശേഷം ജമ്മു കശ്മീരിൽ നടക്കുന്ന ഏറ്റവും വലിയ ഭീകരാക്രമണമാണ് പഹൽഗാമിൽ നടന്നത്. 

India attacked Rawalpindis Nur Khan air base Pakistan confirms