ദുബായ്: തൊഴിൽ നേടുന്നതിനായി വ്യാജ വിദ്യാഭ്യാസ സർട്ടിഫിക്കറ്റുകൾ സമർപ്പിക്കുന്നവർക്കെതിരെ കടുത്ത നടപടി സ്വീകരിക്കുമെന്ന് മുന്നറിയിപ്പ് നൽകി യുഎഇ. ഇത്തരം നടപടികൾ ക്രിമിനൽ കുറ്റമായി കണക്കാക്കാമെന്നും ഫെഡറൽ നിയമപ്രകാരം തടവും പിഴയും ലഭിക്കാവുന്ന കുറ്റമാണെന്നും യുഎഇ തൊഴിൽ മന്ത്രാലയം മുന്നറിയിപ്പ് നൽകി. യുഎഇ പീനൽ കോഡ് പ്രകാരം വ്യാജരേഖ ചമയ്ക്കുന്നത് സംബന്ധിച്ച 2021 ലെ ഫെഡറൽ നിയമത്തെ അടിസ്ഥാനമാക്കിയുള്ളതാണ് ഈ മുന്നറിയിപ്പ്. ഒരു രേഖയുടെ ആധികാരികതയെ യഥാർത്ഥമായി ഉപയോഗിക്കാനും അത് ദോഷം വരുത്താനും ഉദ്ദേശിച്ചുള്ള ഏതൊരു പ്രവൃത്തിയായും ക്രിമിനൽ കുറ്റമായി കണക്കാക്കുമെന്നു നിയമത്തിലെ ആർട്ടിക്കിൾ 251 വ്യാജരേഖയെ നിർവചിക്കുന്നത്. ഒരു രേഖയിലെ വാചകം, നമ്പറുകൾ അല്ലെങ്കിൽ ചിത്രങ്ങൾ മാറ്റുകയോ വ്യാജമാക്കുകയോ ചെയ്യുക; വ്യാജമോ അനധികൃതമോ ആയ ഒപ്പുകൾ, മുദ്രകൾ അല്ലെങ്കിൽ വിരലടയാളങ്ങൾ സ്ഥാപിക്കുക, അല്ലെങ്കിൽ ഒപ്പിട്ട ശൂന്യമായ രേഖകൾ ദുരുപയോഗം ചെയ്യുക എന്നിവയെല്ലാം വ്യാജരേഖ ആണ്. വ്യാജ രേഖ സൃഷ്ടിച്ച് അത് മറ്റൊരാൾക്ക് ഉപയോഗിക്കാൻ കൊടുക്കുന്നതും ഈ വ്യവസ്ഥയിൽ ഉൾപ്പെടുന്നു. ഇതേ നിയമത്തിലെ ആർട്ടിക്കിൾ 252 പ്രകാരം ഔദ്യോഗിക രേഖകൾ വ്യാജമായി നിർമ്മിക്കുന്നത് 10 വർഷം വരെ തടവിന് ഇടയാക്കുമെന്ന് നിർവചിക്കുന്നുണ്ട്. അതേസമയം അനൗദ്യോഗിക രേഖകൾ വ്യാജമായി നിർമ്മിക്കുന്നത് കുറഞ്ഞ ശിക്ഷയാണ്. എന്നാല് വ്യാജ ഔദ്യോഗിക രേഖകൾ അറിഞ്ഞുകൊണ്ട് ഉപയോഗിക്കുന്നത് അഞ്ച് വർഷം വരെ തടവുശിക്ഷ ലഭിക്കുന്ന കുറ്റവും ആണ്.  

  വ്യാജ രേഖകൾ മനഃപൂർവ്വം ഉപയോഗിക്കുന്ന വ്യക്തികൾക്ക് അവ വ്യാജമായി നിർമ്മിച്ചവർക്ക് ലഭിക്കുന്ന അതേ ശിക്ഷ ലഭിക്കുമെന്നും ആർട്ടിക്കിൾ 258 പറയുന്നു. തൊഴിൽ ബന്ധങ്ങളെ നിയന്ത്രിക്കുന്ന 2021 ലെ 33-ാം നമ്പർ ഫെഡറൽ ഡിക്രി നിയമത്തിലെ ആർട്ടിക്കിൾ 44(1) പ്രകാരം, വ്യാജ രേഖകൾ സമർപ്പിച്ചതായി കണ്ടെത്തുന്ന ഒരു ജീവനക്കാരനെ നോട്ടീസ് കൂടാതെ പിരിച്ചുവിടാൻ നിയമം അനുവദിക്കുന്നുണ്ട്. അത്തരം ജീവനക്കാരനെതിരെ അച്ചടക്ക നടപടി സ്വീകരിക്കാനും കുറ്റകൃത്യങ്ങൾ നിയമപാലകർക്ക് റിപ്പോർട്ട് ചെയ്യാനും ആവശ്യമുള്ളപ്പോൾ മാനവ വിഭവശേഷി, എമിറേറ്റൈസേഷൻ മന്ത്രാലയത്തിൽ (MoHRE) പരാതി നൽകാനും തൊഴിലുടമകളോട് നിർദേശിക്കുന്നു.  

UAE warns of 10-year jail term, instant termination over forged degrees for job