ബെംഗളൂരു: ഇന്ത്യൻ പ്രീമിയർ ലീഗിൽ (IPL) മഴ വീണ്ടും വില്ലനായി. ബെംഗളൂരുവിലെ ചിന്നസ്വാമി സ്റ്റേഡിയത്തിൽ നടക്കാനിരുന്ന റോയൽ ചലഞ്ചേഴ്സ് ബെംഗളൂരു (RCB) – കൊൽക്കത്ത നൈറ്റ് റൈഡേഴ്സ് (KKR) മത്സരം ശക്തമായ മഴയെ തുടർന്ന് ഉപേക്ഷിച്ചു. ടോസ് പോലും നടക്കാനാകാതെ പോവുകയായിരുന്നു.

മത്സരം ഉപേക്ഷിച്ചതോടെ ഇരു ടീമുകൾക്കും ഓരോ പോയിന്റ് വീതം ലഭിച്ചു. ഇതോടെ ആർസിബിക്ക് 17 പോയിന്റോടെ പോയിന്റ് പട്ടികയിൽ ഒന്നാം സ്ഥാനത്തേക്കുയർന്നു. പ്ലേഓഫ് സാധ്യത ഒന്നു കൂടി ഉറപ്പിച്ചിരിക്കുകയാണ്.

ഐപിഎൽ നേരത്തെ ഇന്ത്യ – പാകിസ്ഥാൻ അതിർത്തി സംഘർഷത്തെ തുടർന്ന് പത്ത് ദിവസത്തേക്ക് ഇടവേള എടുത്തിരുന്നു. ഉത്സാഹത്തോടെ ടൂർണമെന്റ് പുനരാരംഭിക്കുമെന്ന പ്രതീക്ഷയിൽ ആരാധകർ കാത്തിരുന്ന മത്സരമാണ് മഴയുടെ പിടിയിലായത്. മഴ തോരാതിരുന്നതോടെ സെൻട്രൽ അംപയറുമാരും ബിസിസിഐ ഉദ്യോഗസ്ഥരും ചേർന്ന് മത്സരം റദ്ദാക്കാൻ തീരുമാനിക്കുകയായിരുന്നു.

പ്ലേഓഫ് പ്രവേശനം നേടുന്നതിന് ആർസിബിക്ക് തോട്ടടുത്ത് എത്തി കഴിഞ്ഞു.നാളെ നടക്കുന്ന മത്സരങ്ങളിൽ ഡൽഹി ക്യാപിറ്റൽസ് ഗുജറാത്ത് ടൈറ്റൻസിനെയും, പഞ്ചാബ് കിംഗ്സ് രാജസ്ഥാൻ റോയൽസിനെയും നേരിടും. ഈ രണ്ട് മത്സരങ്ങളിൽ ഡൽഹിയോ പഞ്ചാബോ തോറ്റാൽ ആർസിബിക്ക് പ്ലേഓഫ് പ്രവേശനം ഉറപ്പാകും.

The IPL clash between Royal Challengers Bengaluru and Kolkata Knight Riders was abandoned without a toss due to heavy rain in Bengaluru Both teams received one point each With this RCB climbed to the top of the points table with 17 points strengthening their playoff hopes while KKR were knocked out of contention