ഹജ്ജ് സീസണില്‍ ലോകമെമ്പാടുമുള്ള ലക്ഷക്കണക്കിന് മുസ്‌ലിംകളാണ് ഹജ്ജ് നിര്‍വഹിക്കുന്നതിനായി സഊദിയിലേക്ക് ഒഴുകിയെത്തുന്നത്. ഹജ്ജിനായി യൂറോപ്പില്‍ നിന്ന് മിഡില്‍ ഈസ്റ്റ് വരെ 13 രാജ്യങ്ങളിലൂടെ 4,500 കിലോമീറ്റര്‍ സഞ്ചരിച്ച ഒരു യുവാവിന്റെ കഥയാണ് ഇവിടെ പറയുന്നത്. 

റമദാന്‍ കാലത്താണ് ബെല്‍ജിയത്തില്‍ നിന്നുള്ള 26 കാരനായ അനസ് അല്‍ റെസ്‌കി സൈക്കിളില്‍ തന്റെ ഹജ്ജ് യാത്ര ആരംഭിക്കുന്നത്. ഹജ്ജിനായി യൂറോപ്പില്‍ നിന്ന് മിഡില്‍ ഈസ്റ്റ് വരെ 13 രാജ്യങ്ങളിലൂടെ 4,500 കിലോമീറ്റര്‍ സഞ്ചരിച്ചതായി അനസ് പറയുന്നു. സഊദി വാര്‍ത്താ ചാനലായ അല്‍ ഇഖ്ബാരിയ്യ പങ്കുവച്ച വീഡിയോയില്‍, തണുത്ത യൂറോപ്യന്‍ കാലാവസ്ഥയിലൂടെ അനസ് സൈക്കിളില്‍ സഞ്ചരിക്കുന്നത് കാണാം. പിന്നീട് യാത്ര തുടരുകയും മരുഭൂമിയിലേക്ക് പ്രവേശിക്കുമ്പോള്‍, ഒരു വെളുത്ത ടീഷര്‍ട്ട് ധരിച്ച് അദ്ദേഹം സൈക്കിള്‍ ചവിട്ടുന്നതും കാണാം. 

بدراجته الهوائية.. شاب بلجيكي يقطع آلاف الكيلومترات من أوروبا إلى مكة المكرمة لتحقيق حلمه بأداء مناسك الحج #الإخبارية pic.twitter.com/NtCqafai9E

— قناة الإخبارية (@alekhbariyatv) May 18, 2025

'ഇതൊരു സ്വപ്നമാണ്, ഒരു അനുഗ്രഹമാണ്, ജോര്‍ദാന്‍ അതിര്‍ത്തി കടന്ന ശേഷം ' സഊദിയിലെ വടക്കന്‍ അതിര്‍ത്തിയിലെ ഹലാത്ത് അമ്മാര്‍ തുറമുഖത്ത് എത്തിയ ശേഷം അനസ് അല്‍ റെസ്‌കി പ്രതികരിച്ചു. 
 
സഊദിയില്‍ എത്തിയ അനസിനെ പൂക്കളും അറബിക്കാപ്പിയും കൊണ്ട് സ്വാഗതം ചെയ്തു. സഊദിയില്‍ എത്തിയ ഉടന്‍, അദ്ദേഹം തന്റെ ഹജ്ജ് പെര്‍മിറ്റുള്ള ഒരു ബാഡ്ജ് ധരിച്ചിരിക്കുന്നതും അതിര്‍ത്തി സുരക്ഷാ ഉദ്യോഗസ്ഥരുമായി സംസാരിച്ച് നടപടിക്രമങ്ങള്‍ പൂര്‍ത്തിയാക്കുന്നതും വീഡിയോയില്‍ കാണാം.

എല്ലാ ദിവസവും താന്‍ 100 കിലോമീറ്റര്‍ സൈക്കിള്‍ ചവിട്ടാറുണ്ടെന്ന് ഒരു അഭിമുഖത്തില്‍ അനസ് വ്യക്തമാക്കി.

'വഴി വളരെ ബുദ്ധിമുട്ടുള്ളതായിരുന്നു. റമദാന്‍ മാസത്തിലാണ് ഞാന്‍ യാത്ര ആരംഭിച്ചത്, നോമ്പ് എടുത്തുകൊണ്ടായിരുന്നു യാത്ര. യാത്രാ സമയത്ത് ജര്‍മ്മനിയിലെയും ബോസ്‌നിയയിലെയും പള്ളികളില്‍ ഞാന്‍ ഉറങ്ങാറുണ്ടായിരുന്നു,' അനസ് പറഞ്ഞു.

ഈ വര്‍ഷത്തെ ഹജ്ജിനായി ഇതിനകം തന്നെ തീര്‍ത്ഥാടകര്‍ മക്കയിലേക്ക് എത്തിത്തുടങ്ങിയിട്ടുണ്ട്. ഹജ്ജ് സീസണിലെ ഏറ്റവും പ്രധാനപ്പെട്ട ദിവസമായ അറഫാ ദിനം ഹിജ്‌റ മാസമായ ദുല്‍ഹിജ്ജയിലെ പത്താം ദിവസമാണ്, മാസം കാണുന്നതനുസരിച്ച് ഇത് ജൂണ്‍ 6 അല്ലെങ്കില്‍ 7 തീയതികളില്‍ വരാം.

26-year-old Anas Al Rezky from Belgium embarked on an extraordinary 4,500km cycling pilgrimage to Makkah for Hajj, traversing 13 countries. His incredible journey through Europe and the Middle East – fasting during Ramadan and sleeping in mosques along the way – showcases unwavering faith and determination. Read this inspiring story of modern devotion!