ന്യൂഡൽഹി: പാകിസ്ഥാനെ അനുകൂലിച്ച തുര്‍ക്കിയുടെ നിലപാടിനെതിരെ ഇന്ത്യയിൽ നിന്ന് വ്യാപക പ്രതിഷേധം ഉയരുന്ന പശ്ചാത്തലത്തിൽ, തുര്‍ക്കിയിൽ നിന്നുള്ള ബേക്കറി ഉൽപ്പന്നങ്ങൾ ബഹിഷ്കരിക്കാൻ ഇന്ത്യൻ ബേക്കേഴ്‌സ് ഫെഡറേഷൻ (IBF) തീരുമാനിച്ചു. ഇന്ത്യയിലുടനീളമുള്ള ബേക്കറി വ്യവസായം ഈ നടപടിയിലൂടെ തുര്‍ക്കിയോടുള്ള തങ്ങളുടെ പ്രതിഷേധം രേഖപ്പെടുത്തുകയാണ്.

തുര്‍ക്കിയിൽ നിന്ന് ഇറക്കുമതി ചെയ്യുന്ന ഡ്രൈ ഫ്രൂട്ടുകൾ, നട്‌സ്, ചോക്ലേറ്റുകൾ, ജെല്ലുകൾ, ഫ്ലേവർ അഡിറ്റീവുകൾ, പാക്കേജിംഗ് സാമഗ്രികൾ,  ബേക്കറി യന്ത്രങ്ങൾ വരെ ഇനി ഇന്ത്യൻ ബേക്കറി രംഗത്ത് ഉപയോഗിക്കില്ലെന്നാണ് ഫെഡറേഷൻ വ്യക്തമാക്കുന്നത്.

തുര്‍ക്കിയുടെ പാക് അനുകൂല നിലപാടുകൾ ഇന്ത്യയുടെ ആഭ്യന്തര കാര്യങ്ങളിൽ ഇടപെടുന്നതാണെന്ന വിമർശനം വ്യാപകമായി ഉയർന്നിരുന്നു. ഈ സാഹചര്യത്തിലാണ് വ്യവസായമേഖലകളിൽനിന്നും പ്രതിഷേധ നടപടികൾ ശക്തമായത്.

തുര്‍ക്കിയിൽ നിന്നുള്ള ഉൽപ്പന്നങ്ങൾ നിരാകരിക്കാനുള്ള നീക്കം രാജ്യത്തിന്റേ ഒരു സന്ദേശം കൂടിയാണെന്ന് ഫെഡറേഷൻ അധികൃതർ അറിയിച്ചു. രാജ്യസ്നേഹവും ആത്മാഭിമാനവുമാണ് ഈ ബഹിഷ്കരണ തീരുമാനം നയിച്ചതെന്ന് അവർ വ്യക്തമാക്കി.

ഇതോടെ ഇന്ത്യയിൽ തുര്‍ക്കിയിൽ നിന്നുള്ള ബേക്കറി ഉപകരണങ്ങളുടെ വാണിജ്യം നിലയ്ക്കുകയാണ്. വ്യാപാര മേഖലയിലെ ഈ നീക്കം തുര്‍ക്കി-ഇന്ത്യ ബന്ധത്തിൽ സാമ്പത്തിക മേഖലയെ പ്രതികൂലമായി ബാധിക്കുമെന്നതിൽ സംശയമില്ല.

Protests against Turkey's pro-Pakistan stance have intensified in India, with the Indian Bakers Federation announcing a nationwide boycott of Turkish bakery products. The ban includes chocolates, dry fruits, nuts, flavor additives, jellies, packaging materials, and bakery machinery. The move is seen as part of a growing economic and symbolic protest across various sectors in India.