കൊച്ചി: എറണാകുളത്ത് ബസ് യാത്രക്കിടെ മൂന്നുവയസുകാരിയെ കാണാതായതായി പരാതി. തിരുവാങ്കുളത്ത് നിന്ന് ആലുവ ഭാഗത്തേക്ക് അമ്മയോടൊപ്പം യാത്ര ചെയ്ത മറ്റക്കുഴി സ്വദേശിയായ കല്യാണി എന്ന കുട്ടിയെയാണ് കാണാതായത്. ഇന്ന് വൈകീട്ടാണ് സംഭവമുണ്ടായത്. അംഗനവാടിയില്‍ നിന്ന് കുട്ടിയെ വീട്ടിലേക്ക് കൂട്ടിക്കൊണ്ട് വരുന്നതിനിടെയാണ് കുട്ടിയെ കാണാതായത്. 

ആലുവ ഭാഗത്ത് എത്തിയപ്പോഴാണ് കുട്ടി കൂടെയില്ലെന്ന് ശ്രദ്ധിച്ചതെന്ന് അമ്മ പൊലിസില്‍ നല്‍കിയ പരാതിയില്‍ പറയുന്നു. തിരുവാങ്കുളം വരെ ഓട്ടോയിലാണ് അമ്മയും കുട്ടിയും എത്തിയത്. പൊലിസ് അന്വേഷണം ഊര്‍ജിതമാക്കിയിട്ടുണ്ട്.