മസ്‌കത്ത്: ഒമാനിലെ ഏറ്റവും ഉയരം കൂടിയ കൊടിമരം ഉദ്ഘാടനത്തിനൊരുങ്ങിയിരിക്കുകയാണ്. അല്‍ ഖുവൈര്‍ സ്‌ക്വയറിന്റെ ഭാഗമായ കൊടിമരത്തിന്റെ ഉദ്ഘാടനം അടുത്ത് തന്നെ ഉണ്ടാകുമെന്ന് മസ്‌കത്ത് മുനിസിപ്പാലിറ്റി ചെയര്‍മാന്‍ അഹമ്മദ് അല്‍ ഹുമൈദി പ്രഖ്യാപിച്ചു. സ്വകാര്യ മേഖലയുമായി സഹകരിച്ച് 10 ദശലക്ഷം ഡോളര്‍ ചെലവഴിച്ചാണ് പദ്ധതി വികസിപ്പിച്ചത്.

ഒമാന്‍ സുല്‍ത്താനേറ്റിന്റെ ചരിത്രത്തിലെ ഏറ്റവും ഉയരം കൂടിയ മനുഷ്യനിര്‍മ്മിത സംവിധാനമായിരിക്കും മിനിസ്ട്രീസ് ഡിസ്ട്രിക്റ്റിലെ അല്‍ ഖുവൈര്‍ ചത്വരത്തില്‍ ഉയരാന്‍ പോകുന്നത്. 126 മീറ്റര്‍ ഉയരമാണ് കൊടിമരത്തിനുള്ളത്. 40 നിലകളുള്ള ഒരു കെട്ടിടത്തിന് തുല്യമാണിത്. ഇരുമ്പ് കൊണ്ടാണ് ഇത് നിര്‍മ്മിച്ചിരിക്കുന്നത്. 135 ടണ്‍ ഉരുക്കും ആവശ്യമായി വന്നു. 

അടിത്തട്ടിലുള്ള കൊടിമരത്തിന്റെ പുറം വ്യാസം 2,800 മില്ലിമീറ്ററാണ്. ഏറ്റവും ഉയര്‍ന്ന പോയിന്റിലെ വ്യാസം 900 മില്ലിമീറ്ററുണ്ട്. ഒമാനി പതാകയുടെ അളവുകള്‍ 18 മീറ്റര്‍ നീളവും 31.5 മീറ്റര്‍ വീതിയുമാണ്. 

വിമാനങ്ങള്‍ക്ക് മുന്നറിയിപ്പ് ലൈറ്റിംഗ് സംവിധാനം കൊടിമരത്തില്‍ ഒരുക്കും. 18,000 ചതുരശ്ര മീറ്ററിലധികം വിസ്തൃതിയില്‍ വ്യാപിച്ചുകിടക്കുന്ന പദ്ധതിയില്‍ പുല്ല്, ഈന്തപ്പനകള്‍, നടക്കാനും സൈക്കിളുകള്‍ക്കുമായി നിയുക്തമാക്കിയ പാതകള്‍, ഒരു ഔട്ട്‌ഡോര്‍ എക്‌സിബിഷന്‍ ഏരിയ, സ്‌കേറ്റ്‌ബോര്‍ഡിംഗ് ഏരിയ തുടങ്ങിയ ടൂറിസ്റ്റ് സൗകര്യങ്ങളും ഉണ്ടായിരിക്കും.

The Muscat Municipality announced on Monday that the tallest flagpole as part of the Al Khuwair Square will be inaugurated in our dsay