കൊച്ചി  തിരുവാങ്കുളത്ത് മൂന്നരവയസ്സുകാരി കല്യാണിയെ പുഴയില്‍ എറിഞ്ഞ് കൊലപ്പെടുത്തിയ സംഭവത്തില്‍ മാതാവിനെതിരെ ബന്ധുക്കളുടെ മൊഴി. കുഞ്ഞിനെ മാതാവ് സന്ധ്യ നേരത്തേയും കൊല്ലാന്‍ ശ്രമിച്ചിരുന്നുവെന്നാണ് ബന്ധുക്കള്‍ പറയുന്നത്. 

ഒരിക്കല്‍ കുട്ടിക്ക് നല്‍കിയ ഐസ്‌ക്രീമില്‍ വിഷം കലര്‍ത്തി. അയല്‍വാസിയും ബന്ധുവുമായ അശോകന്‍ എന്നയാള്‍ പറഞ്ഞു. മുതിര്‍ന്ന കുട്ടി ബഹളം വച്ചതോടെയാണ് ശ്രമം പരാജയപ്പെട്ടത്. ഇതിനുപിന്നാലെ പൊലിസ് ഇടപെട്ട് സന്ധ്യയെ കൗണ്‍സിലിങ്ങിന് വിധേയമാക്കിയിരുന്നുവെന്നും അശോകന് പറയുന്നു.  

സന്ധ്യ അധികം ആരോടും മിണ്ടുന്നആളായിരുന്നില്ലെന്നും അശോകന്‍ കൂട്ടിച്ചേര്‍ത്തു. ടോര്‍ച്ച് കൊണ്ട് തലക്കടിക്കുക പോലുള്ള കാര്യങ്ങള്‍ കുട്ടികളോട് സന്ധ്യ ചെയ്യാറുണ്ടായിരുന്നു. എന്നാല്‍ മാനസിക ബുദ്ധിമുട്ട് ഉണ്ടെന്ന് തോന്നിയിട്ടില്ല. സന്ധ്യയുടെ സഹോദരിയുടെയും അമ്മയുടെയും പെരുമാറ്റത്തില്‍ സംശയമുണ്ടെന്നും അശോകന്‍ പറഞ്ഞു.

കുഞ്ഞിനെ നേരത്തെയും സന്ധ്യ ഉപദ്രവിച്ചിരുന്നുവെന്ന് ഭര്‍ത്താവ് സുഭാഷും പറയുന്നു. ചേച്ചിയും അമ്മയും പറയുന്നതേ സന്ധ്യ കേള്‍ക്കുകയുള്ളൂ. ഇന്നലത്തെ സംഭവവും അവര്‍ക്ക് അറിയാന്‍ സാധ്യതയുണ്ടെന്നും സുഭാഷ് പറഞ്ഞു.

In the shocking case of 3-year-old Kalyani’s murder in Thiruvankulam, Kochi, relatives allege that her mother, Sandhya, had previously attempted to poison the child with ice cream.