ദുബൈ: നാദ് അല്‍ഷെബയില്‍ പുതിയ പാലം വരുന്നു. പാലം യാഥാര്‍ഥ്യമാകുന്നതോടെ ദുബൈ-അല്‍ഐന്‍ റോഡില്‍ നിന്ന് നാദ് അല്‍ ഷെബയിലേക്കുള്ള യാത്രാസമയം 83 ശതമാനം കുറയും. ഇപ്പോള്‍ ദുബൈ-അല്‍ഐന്‍ റോഡില്‍ നിന്ന് നാദ് അല്‍ ഷെബയിലെത്താന്‍ ആറു മിനിറ്റു വേണം. എന്നാല്‍ പാലം വന്നാല്‍ ഇവിടേക്കെത്താന്‍ ഒരു മിനിറ്റു മതിയാകും. 

RTA constructs 700-metre bridge connecting Dubai–Al Ain road to Nad Al Sheba. With a design capacity of 2,600 vehicles per hour, the bridge reduces travel time from Dubai–Al Ain Road to Nad Al Sheba by 83%, cutting the journey from six minutes to just one. The project enables… pic.twitter.com/FwZGYCVukc

— Dubai Media Office (@DXBMediaOffice) May 19, 2025

ഏകദേശം 700 മീറ്റര്‍ വിസ്തൃതിയുള്ള നാദ് അല്‍ ഷെബയിലെ രണ്ടുവരി പാലം, നാദ് അല്‍ ഷെബയിലെ റെസിഡന്‍ഷ്യല്‍ കമ്മ്യൂണിറ്റികള്‍ക്ക് സേവനം നല്‍കുകയും ദുബൈ-അല്‍ ഐന്‍ റോഡില്‍ നിന്ന് അല്‍ ഐനിലേക്കുള്ള ഇന്‍ബൗണ്ട് ഗതാഗതവുമായി നേരിട്ടു ബന്ധിപ്പിക്കുകയും ചെയ്യും.

മണിക്കൂറില്‍ 2,600 വാഹനങ്ങള്‍ക്ക് യാത്ര ചെയ്യാന്‍ സാധിക്കുന്ന വിധത്തില്‍ രൂപകല്‍പ്പന ചെയ്തിരിക്കുന്ന ഈ പാലം ഏകദേശം 30,000 താമസക്കാര്‍ താമസിക്കുന്ന പ്രദേശത്ത് സുഗമവും കാര്യക്ഷമവുമായ ഗതാഗതം സാധ്യമാക്കുമെന്നാണ് കണക്കുകൂട്ടുന്നത്. അതോടൊപ്പം നാദ് അല്‍ ഷെബ പ്രദേശത്തെ എന്‍ട്രി, എക്‌സിറ്റ് പോയിന്റുകളിലെ തിരക്ക് കുറയ്ക്കുകയും ചെയ്യും.

പുതിയ പാലത്തിന്റെ നിര്‍മ്മാണം 2025ലെ നാലാം പാദത്തില്‍ ആരംഭിക്കുകയും 2026ലെ നാലാം പാദത്തില്‍ പൂര്‍ത്തീകരിക്കുകയും ചെയ്യും.

ദുബൈയിലെ റോഡ് ശൃംഖലയുടെ കാര്യക്ഷമത വര്‍ദ്ധിപ്പിക്കുന്നതിലും അടിസ്ഥാന സൗകര്യ വികസനത്തിലും ആര്‍ടിഎയുടെ ശക്തമായ പ്രതിബദ്ധതയാണ് ഈ പദ്ധതി പ്രതിഫലിപ്പിക്കുന്നതെന്ന് ആര്‍ടിഎ പറഞ്ഞു. 

'പദ്ധതി എമിറേറ്റിലെ ദ്രുതഗതിയിലുള്ള ജനസംഖ്യാ വളര്‍ച്ചയെയും നഗര വികസനത്തെയും അഭിസംബോധന ചെയ്യുന്നു, അതേസമയം ഗതാഗത സുരക്ഷയുടെയും സുഗമമായ മൊബിലിറ്റിയുടെയും ഉയര്‍ന്ന നിലവാരം ഉയര്‍ത്തിപ്പിടിക്കുകയും ചെയ്യുന്നു. ദുബൈയെ ലോകത്തിലെ ഏറ്റവും മികച്ച നഗരമായി മാറ്റുക എന്ന നേതൃത്വത്തിന്റെ കാഴ്ചപ്പാടുമായി ഈ ലക്ഷ്യങ്ങള്‍ യോജിക്കുന്നു,' അതോറിറ്റി പറഞ്ഞു.

മേഖലയിലെ മറ്റ് പദ്ധതികള്‍
നേരത്തെ, നാദ് അല്‍ ഷെബ സ്ട്രീറ്റും ദുബൈ-അല്‍ഐന്‍ റോഡും തമ്മിലുള്ള കവലയില്‍ ആര്‍ടിഎ ഒരു പ്രധാന പാലം ഉദ്ഘാടനം ചെയ്തിരുന്നു. 170 മീറ്റര്‍ വിസ്തൃതിയുള്ളതും ഇരുവശത്തേക്കും രണ്ട് വരി പാതകളുള്ളതുമായ ഈ പാലം ദുബൈ-അല്‍ ഐന്റോഡില്‍ നിന്ന് നാദ് അല്‍ ഷെബ, മെയ്ഡാന്‍, സമീപ പ്രദേശങ്ങള്‍ എന്നിവിടങ്ങളിലേക്കുള്ള ഗതാഗതവും സുഗമമാക്കുന്നു.

ഏകദേശം 10,000 വിദ്യാര്‍ത്ഥികള്‍ പഠിക്കുന്ന റെപ്റ്റണ്‍ സ്‌കൂള്‍, അല്‍ ഖലീജ് ഇന്റര്‍നാഷണല്‍ സ്‌കൂള്‍ എന്നിവയുള്‍പ്പെടെ നിരവധി സ്‌കൂളുകളുടെ പരിസരത്ത് ആര്‍ടിഎ സമഗ്രമായ ഗതാഗത പരിഷ്‌കാരങ്ങള്‍ നടത്തിയിരുന്നു. ഗതാഗതം സുഗമമാക്കുന്നതിനും തിരക്കേറിയ സമയങ്ങളില്‍ റോഡ് സുരക്ഷ മെച്ചപ്പെടുത്തുന്നതിനുമായാണ് പരിഷാകാരങ്ങള്‍ നടപ്പിലാക്കിയത്.

നാദ് അല്‍ ഷെബയിലെ വികസനത്തിന്റെ ഭാഗമായി, ലത്തീഫ ബിന്ത് ഹംദാന്‍ സ്ട്രീറ്റിന്റെയും നാദ് അല്‍ ഷെബ സ്ട്രീറ്റിന്റെയും ജംഗ്ഷനിലെ ഒരു കവല ഒരു റൗണ്ട് എബൗട്ടാക്കി മാറ്റിയിരുന്നു. ഇത് കാലതാമസ സമയം 50% കുറയ്ക്കുന്നതിനും ഗതാഗതം മെച്ചപ്പെടുത്തുന്നതിനും കാരണമായിട്ടുണ്ട്.

Dubai’s RTA announces a new bridge project in Nad Al Sheba, expected to reduce travel time by 83% and significantly improve traffic flow in the area.