ദോഹ: ഈ വര്‍ഷത്തെ ബലി പെരുന്നാളിനുള്ള (ഈദ് അല്‍ അദ്ഹ) അഞ്ച് ദിവസത്തെ അവധി പ്രഖ്യാപിച്ച് ഖത്തര്‍. ഖത്തറിലെ ഔദ്യോഗിക അവധി ദിനങ്ങള്‍ ദുല്‍ഹജ്ജ് 9 മുതല്‍ ദുല്‍ഹജ്ജ് 13 വരെയായിരിക്കും. എന്നാല്‍ ചന്ദ്രനെ കാണുന്നതിനനുസരിച്ച് ഇത് മാറിയേക്കാം. ഇസ്ലാമിലെ ഏറ്റവും പുണ്യദിനമായ അറഫ ദിനമായ ദുല്‍ ഹിജ്ജ ഒമ്പതാം തീയത് മുതലാണ് പൊതു അവധി ദിനങ്ങള്‍ ആരംഭിക്കുന്നത്. ചന്ദ്രദര്‍ശന സമിതി മെയ് 27 ന് യോഗം ചേരും. അന്ന് ചന്ദ്രക്കല ദൃശ്യമായാല്‍ ദുല്‍ ഹിജ്ജ (ഇസ്ലാമിക വര്‍ഷത്തിലെ 12ാം മാസം) മെയ് 28 ന് ആരംഭിക്കും. ചന്ദ്രന്‍ ദൃശ്യമായില്ലെങ്കില്‍ ദുല്‍ ഹിജ്ജ മെയ് 29 നും ആരംഭിക്കും.

ചന്ദ്രദര്‍ശനത്തെ അടിസ്ഥാനമാക്കി അറഫയില്‍ താമസിക്കുന്നത് ജൂണ്‍ 5 വ്യാഴാഴ്ചയോ ജൂണ്‍ 6 വെള്ളിയാഴ്ചയോ ആയിരിക്കാനാണ് സാധ്യത. അറഫ ദിനത്തിന് ശേഷമുള്ള ദിവസമായിരിക്കും ബലി പെരുന്നാള്‍ ആഘോഷിക്കുക.

യുഎഇയില്‍ അറഫ ദിനം യുഎഇയില്‍ അവധിയായിരിക്കും. ബലിപെരുന്നാള്‍ അവധി ജൂണ്‍ 6 മുതല്‍ എട്ട് ഞായറാഴ്ച വരെ നീണ്ടുനില്‍ക്കും. എന്നിരുന്നാലും, ഔദ്യോഗിക തീയതികള്‍ ചന്ദ്രനെ കാണുന്നതിന് വിധേയമായിരിക്കും.

In Qatar, public holidays for the festival will begin on the ninth day of Dhul Hijjah, which is also known as Arafah Day, the holiest day in Islam.