ഗാസ: ഗസ്സയിലെ വനിതാ ഡോക്ടറുടെ 9 മക്കളെയും കൂട്ടക്കൊല ചെയ്ത് സയണിസ്റ്റ് സൈന്യം. ഖാൻ യൂനിസിൽ ഡോ. അലാ അൽ-നജ്ജാറിന്റെമക്കളെ ആണ് കൂട്ടക്കൊല ചെയ്തത്. സംഭവത്തിൽ ഇസ്റാഈൽ സൈന്യത്തിന് എതിരെ പ്രതിഷേധം ശക്തമാക്കിയിട്ടുണ്ട്. നിരപരാധികളായ കുട്ടികളെ കൊല്ലുന്നത് ഇസ്രായേലി സൈനികർക്ക് ഒരു വിനോദമായി മാറിയിരിക്കുന്നുവെന്ന് ഗാസ ഉദ്യോഗസ്ഥർ പറയുന്നു. അതിനിടെ ഗസ്സയിൽ ഒരു കുഞ്ഞ് കൂടി പട്ടിണി മൂലം മരിച്ചു. ഗാസയിലെ 70,000-ത്തിലധികം കുട്ടികൾ പോഷകാഹാരക്കുറവ് നേരിടുന്നുണ്ടെന്ന് ലോക ഭക്ഷ്യ പരിപാടി മുന്നറിയിപ്പ് നൽകുന്നതിനിടെ അണ് നാല് വയസ്സുള്ള മുഹമ്മദ് യാസീൻ ഭക്ഷണക്കുറവ് മൂലം മരിച്ചത്.

അൽ-ബറാക്കയിലെ ദെയ്ർ അൽ-ബലയിൽ ഇസ്രായേൽ നടത്തിയ വ്യോമാക്രമണത്തിൽ ഗാസയിലെ ഏറ്റവും പ്രായം കുറഞ്ഞ മാനുഷിക-മാധ്യമ പ്രവർത്തക യാക്കിൻ ഹമ്മദ് (11) കൊല്ലപ്പെട്ടതിന് പിന്നാലെ ആണ് പുതിയ മരണങ്ങൾ റിപ്പോർട്ട് ചെയ്തത്. സഹോദരൻ മുഹമ്മദ് ഹമ്മദിനൊപ്പം കുടിയിറക്കപ്പെട്ട കുടുംബങ്ങൾക്ക് സഹായം എത്തിക്കുന്നതിനിടെ ആണ് ആക്രമണം. ഗാസ മുനമ്പിലെ സഹായ പദ്ധതികൾക്ക് ധനസഹായം നൽകുന്ന പലസ്തീൻ സന്നദ്ധ സംഘടനയായ ഔനിയ കളക്ടീവിന്റെ പ്രവർത്തനങ്ങളിൽ അവർ സജീവ പങ്കാളിയായിരുന്നു. 

 ഗാസ ആരോഗ്യ അധികൃതരുടെ കണക്കനുസരിച്ച് 2023 ഒക്ടോബറിൽ ഇസ്റാഈൽ നടത്തിയ ആക്രമണത്തിൽ കൊല്ലപ്പെട്ട പലസ്തീനികളുടെ എണ്ണം 53,655 ആയി

 അതിൽ 16,500 പേർ കുട്ടികളാണ്.

Israeli forces kill Gaza doctor’s 9 children; boy starves to death