മുംബൈ: പാകിസ്ഥാന് രാജ്യരഹസ്യങ്ങള്‍ ചോര്‍ത്തിക്കൊടുത്ത കേസില്‍ അറസ്റ്റിലായ ഹരിയാന സ്വദേശിനിയായ യൂട്യൂബര്‍ ജ്യോതി മല്‍ഹോത്ര പുരിയിലെ ശ്രീ ജഗന്നാഥ ക്ഷേത്രം ഉള്‍പ്പെടെയുള്ളവ സന്ദര്‍ശിച്ചു. ഉജ്ജെയ്നിലെ മഹാകലേശ്വര്‍ ക്ഷേത്രം തുടങ്ങിയ ഉയര്‍ന്ന സുരക്ഷാസംവിധാനമുള്ള ഹൈന്ദവ ആരാധനാലയങ്ങളും അവര്‍ സന്ദര്‍ശിച്ചതായാണ് പൊലിസിന് വിവരം ലഭിച്ചത്. ഇതോടെ ജ്യോതി മല്‍ഹോത്രയെ മഹാരാഷ്ട്ര പൊലിസ് മണിക്കൂറുകളോളം ചോദ്യംചെയ്തു.
 
കഴിഞ്ഞവര്‍ഷമാണ് ജ്യോതി മല്‍ഹോത്ര ജഗന്നാഥ ക്ഷേത്രം സന്ദര്‍ശിച്ചത്. ഈ സമയം അവര്‍ ക്ഷേത്രത്തിന് മുകളിലൂടെ ഡ്രോണ്‍ പറത്തിയതായും റിപ്പോര്‍ട്ടുണ്ട്. ക്ഷേത്രത്തിന് ചുറ്റും ഏര്‍പ്പെടുത്തിയ കര്‍ശനമായ നിരോധിത മേഖല ലംഘിച്ച് ഡ്രോണ്‍ പറത്തിയെന്ന ആരോപണങ്ങള്‍ പുരി പൊലിസ് പരിശോധിച്ചുവരികയാണ്. ചാരവൃത്തിയുടെ ഭാഗമായിരുന്നോ ഈ നടപടിയെന്നാണ് പൊലിസ് അന്വേഷിക്കുന്നത്.

2023 ഏപ്രിലിലാണ് മഹാകലേശ്വര്‍ ക്ഷേത്രം സന്ദര്‍ശിച്ചത്. എന്നാല്‍ ഇവിടെ സംശയാസ്പദമായ പ്രവര്‍ത്തനങ്ങളൊന്നും ഇതുവരെ കണ്ടെത്തിയിട്ടില്ലെന്നും എങ്കിലും മുന്‍കരുതല്‍ നടപടിയുടെ ഭാഗമായി അന്വേഷണം നടത്തുമെന്നും ഉജ്ജെയ്ന്‍ അഡിഷണല്‍ എസ്.പി നിതേഷ് ഭാര്‍ഗവ പറഞ്ഞു. 
 

Jyoti Malhotra, held in a Pakistan spying case, visited top Hindu temples including Puri’s Jagannath Temple, where she allegedly flew a drone over restricted zones. Police are investigating possible espionage links behind these actions.