ഡൽഹി: ഐപിഎൽ മത്സരത്തിൽ സൺറൈസേഴ്സ് ഹൈദരാബാദ് കൊൽക്കത്ത നൈറ്റ് റൈഡേഴ്സിനെതിരെ തകര്‍പ്പൻ വിജയം നേടി. 279 റൺസ് വിജയലക്ഷ്യം പിന്തുടർന്ന കൊൽക്കത്ത 168 റൺസിൽ ഒതുങ്ങി. മനീഷ് പാണ്ഡെ (37 റൺസ്) ആണ് കൊൽക്കത്തയുടെ ടോപ് സ്കോറർ.

ഓപ്പണർമാരായ സുനിൽ നരെയ്ൻ (31) - ക്വിന്റൺ ഡി കോക്ക് (9) ഓപ്പണിം​ഗിൽ കൂട്ടിച്ചേർത്ത 37 റൺസിന് ശേഷം തുടർച്ചയായി വിക്കറ്റുകൾ വീണു. ജയദേവ് ഉനദ്കട്ട് നരെയ്‌നെ ക്ലീൻ ബൗൾഡ് ആക്കിയതിന് പിന്നാലെ, നായകൻ അജിങ്ക്യ രഹാനെ (15) മടങ്ങി.

തുടർന്നെത്തിയ റിങ്കു സിംഗ്, ആന്ദ്രെ റസൽ എന്നിവർ ഹര്‍ഷ് ദുബെയുടെ മുന്നിൽ വീണു. ഇംപാക്ട് പ്ലെയറായി എത്തിയ അംഗ്കൃഷ് രഘുവൻഷിക്കും (14) പിടിച്ചു നിൽക്കാനായില്ല . രമൺദീപ് സിംഗ് കളിയെ മുന്നോട്ട് കൊണ്ട് പോകാൻ നോക്കിയെങ്കിലും ദുബെ രമൺദീപിനെ  വീഴ്ത്തി.

ഹര്‍ഷിത് റാണയും മനീഷ് പാണ്ഡെയും ചേർന്ന് എട്ടാം വിക്കറ്റിൽ 50 റൺസ് കൂട്ടിച്ചേർത്തെങ്കിലും, ഉനദ്കട്ട്  പാണ്ഡെയെ പുറത്താക്കി തൻറെ മൂന്നാം വിക്കറ്റ് നേടിയതോടെ ആ പ്രതീക്ഷകളും അവസാനിച്ചു.

വൈഭവ് അറോറ റണ്ണൗട്ടായതോടെ ഒമ്പതാമത്തെ വിക്കറ്റും നഷ്ടമായി. അവസാനം ഹര്‍ഷിത് റാണയെ പുറത്താക്കി ഇഷാൻ മലിംഗ കൊൽക്കത്തയുടെ സമ്പൂർണ പരാജയം രേഖപ്പെടുത്തി.

എന്നാൽ ഒരിടത്തും കോൽക്കത്ത 279 എന്ന കൂറ്റൻ സ്കോറിന് ഭീഷണി ഉയർത്തുന്ന ബാറ്റിം​ഗ് പ്രകടനം കാഴ്ചവെച്ചില്ല.ഇത് കോൽക്കത്തൻ ആരാധകരെ വളരെ നിരാശയിലാഴ്ത്തുന്ന പ്രകടനമായിരുന്നു.എന്നാൽ അടുത്ത സീസണിൽ 300 എന്ന മാന്ത്രിക സംഖ്യ പിന്നിടാൻ തങ്ങൾ ശ്രമിക്കുമെന്ന മുന്നറിയിപ്പ് മുന്നോട്ട് വെച്ചാണ് സൺറൈസേഴ്സ് ഈ സീസൺ അവസാനിപ്പിക്കുന്നത്.

In a high-scoring IPL match, Kolkata Knight Riders failed to chase Sunrisers Hyderabad's massive 279-run target, getting bowled out for just 168. Manish Pandey top-scored with 37, but SRH bowlers, especially Jaydev Unadkat and Harsh Dubey, dismantled KKR's batting line-up. The Sunrisers claimed a thumping victory, marking a spectacular comeback in the tournament.