ഐപിഎല്‍ 2026 സീസണില്‍ ചെന്നൈ സൂപ്പര്‍ കിംഗ്‌സിലേക്ക് (സിഎസ്‌കെ) മുന്‍ താരം സുരേഷ് റെയ്‌ന തിരിച്ചുവരുമെന്ന് അഭ്യൂഹങ്ങള്‍. 'ചിന്ന തല' എന്ന പേരില്‍ ആരാധകര്‍ ഏറെ ഇഷ്ടപ്പെടുന്ന റെയ്‌ന ഇത്തവണ കളിക്കാരനായല്ല, മറിച്ച് ബാറ്റിംഗ് പരിശീലകനായിട്ടായിരിക്കും എത്തുക എന്നാണ് സൂചന. ഇതോടെ, ധോണിയെയും റെയ്‌നയെയും വീണ്ടും ഒരുമിച്ച് കാണാനാകുമെന്ന പ്രതീക്ഷയിലാണ് സിഎസ്‌കെ ആരാധകര്‍.

ഇന്നലെ അഹമ്മദാബാദില്‍ ഗുജറാത്ത് ടൈറ്റന്‍സിനെതിരെ നടന്ന മത്സരത്തില്‍ കമന്റേറ്ററായിരുന്ന റെയ്‌ന, ചെന്നൈയ്ക്ക് വേണ്ടി ഏറ്റവും വേഗത്തില്‍ അര്‍ദ്ധസെഞ്ചുറി നേടിയ റെക്കോര്‍ഡ് പുതിയ ബാറ്റിംഗ് പരിശീലകന്റെ പേരിലാണെന്ന് പറഞ്ഞിരുന്നു. 2014ല്‍ പഞ്ചാബിനെതിരെ 16 പന്തുകളില്‍ അര്‍ദ്ധശതകം നേടിയ റെയ്‌നയാണ് ഐപിഎല്ലില്‍ ചെന്നൈയ്ക്ക് വേണ്ടി ഏറ്റവും വേഗത്തില്‍ അര്‍ദ്ധശതകം നേടിയ താരം. ഈ പ്രസ്താവനയോടെയാണ് ബാറ്റിംഗ് പരിശീലകനായി അദ്ദേഹം തിരിച്ചെത്തുന്നു എന്ന തരത്തിലുള്ള അഭ്യൂഹങ്ങള്‍ക്ക് തുടക്കമിട്ടത്.  

2008ലെ ഐപിഎല്‍ ലേലത്തില്‍ ചെന്നൈ സൂപ്പര്‍ കിംഗ്‌സ് റെയ്‌നയെ സ്വന്തമാക്കി. തുടര്‍ന്നുള്ള വര്‍ഷങ്ങളില്‍ ടീമിന്റെ പ്രധാന താരമായി മാറിയ അദ്ദേഹം, ധോണിയുടെ നേതൃത്വത്തില്‍ നിരവധി വിജയങ്ങളില്‍ നിര്‍ണായക പങ്ക് വഹിച്ചു. 2018ല്‍ പരുക്ക് കാരണം റെയ്‌നക്ക് ഒരു മത്സരം നഷ്ടമായിരുന്നു. 2020ല്‍ ധോണി വിരമിച്ചതിന് പിന്നാലെ റെയ്‌നയും വിരമിച്ചു. 2022ലെ ലേലത്തില്‍ ആരും അദ്ദേഹത്തെ ടീമിലെത്തിച്ചിരുന്നില്ല, എന്നാല്‍, ഇപ്പോള്‍ താരം പരിശീലകനായി തിരിച്ചുവരുന്നുവെന്നത് ആരാധകരെ ആവേശത്തിലാക്കുന്നു.

Former CSK star Suresh Raina, fondly called 'Chinna Thala', is rumored to make a comeback to Chennai Super Kings as their batting coach for IPL 2026. This potential reunion with MS Dhoni's team has fans excited. Raina, who was instrumental in CSK's past victories, might now contribute from the coaching staff. Stay updated on this developing story.