കുവൈത്ത് സിറ്റി: കുവൈത്തിൽ 643 പ്രവാസികളുടെ താമസ വിലാസങ്ങൾ ഔദ്യോഗിക രേഖകളിൽ നിന്ന് നീക്കം ചെയ്തതായി രാജ്യത്തെ സിവിൽ ഇൻഫർമേഷൻ പബ്ലിക് അതോറിറ്റി അറിയിച്ചു.കെട്ടിടങ്ങൾ പൊളിച്ചതിനെ തുടർന്നും കെട്ടിട ഉടമകൾ  വിവരങ്ങൾ അപ്‌ഡേറ്റ് ചെയ്തത് അനുസരിച്ചുമാണ് കഴിഞ്ഞ ദിവസം643 പേരുടെ സിവിൽ ഐഡി കാർഡുകളിൽ നിന്ന് അഡ്രസ്സുകൾ നീക്കം ചെയ്തത്.സിവിൽ ഐ.ഡി കാർഡുകളിലെ അഡ്രസ്സ് പരിശോധിക്കാൻ സ്വദേശികൾക്കും പ്രവാസികൾക്കും നിർദ്ദേശം നൽകിയാതായി  പബ്ലിക് അതോറിറ്റി ഫോർ സിവിൽ ഇൻഫർമേഷൻ അറിയിച്ചു.മേൽവിലാസം മാറിയവർ തങ്ങളുടെ പുതിയ വിലാസങ്ങൾ 30 ദിവസത്തിനുള്ളിൽ രജിസ്റ്റർ ചെയ്യണമെന്നും ഈ കാലയളവിൽ മേൽവിലാസം അപ്ഡേഷൻ ചെയ്യുന്നതിൽ പരാജയപ്പെടുന്നവർക്ക് 100 ദിനാർ പിഴയും നിയമ നടപടികളും നേരിടേണ്ടി വരുമെന്നും അധികൃതർ വ്യക്തമാക്കി.

കുവൈത്ത് ഔദ്യോഗിക ഗസറ്റിൽ പ്രസിദ്ധീകരിച്ച പട്ടികയിൽ താമസക്കാർക്ക് അവരുടെ പേരുകൾ ഉൾപ്പെടുത്തിയിട്ടുണ്ടോ എന്ന് പരിശോധിക്കുവാനും കൂടുതൽ മാർഗ്ഗനിർദ്ദേശത്തിനും വേണ്ടി, PACI യുടെ ഔദ്യോഗിക വെബ്സൈറ്റ് സന്ദർശിക്കുകയോ  ഉപഭോക്തൃ സേവനവുമായി ബന്ധപ്പെടുകയോ ചെയ്യാവുന്നതാണ്

Those who have changed their address in Kuwait should update within a month