കൊല്‍ക്കത്ത: എഎഫ്സി ഏഷ്യന്‍ കപ്പ് യോഗ്യതാ റൗണ്ട് മത്സരത്തിനുള്ള ഇന്ത്യന്‍ ഫുട്‌ബോള്‍ ടീം പ്രഖ്യാപിച്ചു. ഹോങ്കോങ്ങിനെതിരെയുള്ള മത്സരത്തിനായി ഹെഡ് കോച്ച് മനോലോ മാര്‍ക്കേസ് തിരഞ്ഞെടുത്ത 28 അംഗ ടീമില്‍ ഇടം നേടിയ ഏക മലയാളി താരം ആഷിക് കുരുണിയനാണ്. ജൂണ്‍ 10നാണ് മത്സരം. ഇതിനു മുന്നോടിയായി ജൂണ്‍ 5ന് തായ്‌ലന്‍ഡിനോട് ഇന്ത്യ സന്നാഹ മത്സരം കളിക്കും. 

കൊല്‍ക്കത്തയില്‍ നടന്ന ഒരാഴ്ചത്തെ പരിശീലന ക്യാമ്പിന് ശേഷമാണ് ടീം പ്രഖ്യാപിച്ചത്. സുനില്‍ ചേത്രി, മന്‍വീര്‍ സിംഗ്, ലാലിയന്‍സുവാല ചാംഗ്‌തേ, ഉദാന്ത് സിംഗ്, ലിസ്റ്റണ്‍ കൊളാസോ, അന്‍വര്‍ അലി, സന്ദേഷ് ജിംഗന്‍ എന്നിവരാണ് ടീമിലെ മറ്റ് പ്രധാന താരങ്ങള്‍.

അതേസമയം, മുന്‍ ഇന്ത്യന്‍ ക്യാപ്റ്റന്‍ എസ്. വെങ്കിടേഷ് സുനില്‍ ചേത്രിയുടെ വിരമിക്കല്‍ തീരുമാനം പിന്‍വലിച്ചതിനെ വിമര്‍ശിച്ചു. 'ചേത്രിയുടെ തിരിച്ചുവരവ് യുവതാരങ്ങളുടെ വളര്‍ച്ചയെ തടസ്സപ്പെടുത്തുന്നു. നാല്പതുകാരനായ താരം ടീമില്‍ തിരിച്ചുവരുന്നത് ഇന്ത്യന്‍ ഫുട്‌ബോളിന്റെ പ്രതിസന്ധിയെ വെളിപ്പെടുത്തുന്നു' എന്ന് അദ്ദേഹം പറഞ്ഞു. 2024 ജൂണില്‍ വിരമിക്കാന്‍ തീരുമാനിച്ച ചേത്രി, ടീമിന്റെ പ്രകടനം മോശമായ സാഹചര്യത്തില്‍ കോച്ച് മാര്‍ക്കേസിന്റെ ക്ഷണപ്രകാരം ടീമില്‍ തിരിച്ചെത്തുകയായിരുന്നു.

അന്താരാഷ്ട്ര ഫുട്‌ബോളില്‍ ഇതുവരെ 95 ഗോള്‍ നേടാന്‍ ചേത്രിക്ക് സാധിച്ചിട്ടുണ്ട്. നിലവില്‍ കളിക്കുന്ന താരങ്ങളില്‍ റൊണാള്‍ഡോ,മെസ്സി എന്നിവര്‍ക്ക് പിന്നില്‍ ഏറ്റവും കൂടുതല്‍ ഗോള്‍ നേടിയ ഫുട്‌ബോളറാണ് ചേത്രി. 

ഇന്ത്യന്‍ ടീം

ഗോള്‍കീപ്പര്‍മാര്‍: ഹൃത്വിക് തിവാരി, വിശാല്‍ കൈത്, ഗുര്‍മീത് സിംഗ്, അമരീന്ദര്‍ സിംഗ്.

ഡിഫന്‍ഡര്‍മാര്‍: നൗറെം റോഷന്‍ സിംഗ്, രാഹുല്‍ ഭേക്കെ, ചിംഗ്‌ലെന്‍സന സിംഗ് കോണ്‍ഷാം, അന്‍വര്‍ അലി, ബോറിസ് സിംഗ് തങ്ജാം, സന്ദേശ് ജിംഗന്‍, ആശിഷ് റായ്, സുഭാഷിഷ് ബോസ്, മെഹ്താബ് സിംഗ്, അഭിഷേക് സിംഗ് ടെക്ചം.

മിഡ്ഫീല്‍ഡര്‍മാര്‍: സുരേഷ് സിംഗ് വാങ്ജാം, മഹേഷ് സിംഗ് നൗറെം, ആയുഷ് ദേവ് ചേത്രി, ഉദാന്ത സിംഗ് കുമം, ലാലെങ്മാവിയ റാള്‍ട്ടെ, ലിസ്റ്റണ്‍ കൊളാക്കോ, ആഷിക് കുരുണിയന്‍, ബ്രാന്‍ഡന്‍ ഫെര്‍ണാണ്ടസ്, നിഖില്‍ പ്രഭു.

ഫോര്‍വേഡുകള്‍: സുനില്‍ ചേത്രി, എഡ്മണ്ട് ലാല്‍റിന്‍ഡിക, മന്‍വീര്‍ സിംഗ്, സുഹൈല്‍ അഹമ്മദ് ഭട്ട്, ലാലിയന്‍സുവാല ചാങ്‌തെ.

The Indian football team for the AFC Asian Cup qualifiers has been announced, with Ashique Kuruniyan being the sole Malayali player in the 28-member squad. Head coach Manolo Márquez selected the team after a week-long training camp in Kolkata. India will face Thailand (June 5) and Hong Kong (June 11).