ഇറ്റാനഗർ: അരുണാചൽ പ്രദേശിൽ കനത്ത മഴയെത്തുടർന്ന് ദേശീയപാതയിൽ ഉണ്ടായ മണ്ണിടിച്ചിൽ കാർ അപകടത്തിൽപ്പെട്ട് ഏഴ് ആളുകൾ മരിച്ചു. മരിച്ചവരിൽ രണ്ടു സ്ത്രീകളും രണ്ടു കുട്ടികളും ഉണ്ട്. വെള്ളിയാഴ്ച രാത്രി ജില്ലയിലെ ദേശീയപാത 13ലായിരുന്നു അപകടം നടന്നത്. ദേശീയപാതയിലെ ബനായ്ക്കും സെപ്പയ്ക്കും ഇടയിലായിരുന്നു സംഭവം നടന്നത്. 

മണ്ണിടിച്ചിലിൽ ഏഴ് ആളുകൾ സഞ്ചരിച്ച കാർ തെന്നിമാറി സമീപത്തെ കൊക്കയിലേക്ക് വീഴുകയായിരുന്നു. മരിച്ചവരുടെ എല്ലാവരുടെയും മൃതദേഹങ്ങൾ കണ്ടെടുത്തു. അപകടത്തിൽ അരുണാചൽ പ്രദേശ് ആരോഗ്യമന്ത്രിയും പ്രദേശത്തെ എംഎൽഎയുമായ മാമാ നാതുങ് കേന്ദ്ര പാർലമെന്ററി കാര്യമന്ത്രി കിരൺ റിജിജു തുടങ്ങിയവർ സംഭവത്തിൽ അനുശോചനം രേഖപ്പെടുത്തി. 

അരുണാചൽ പ്രദേശ് ഉൾപ്പെടെയുള്ള വടക്കു കിഴക്കൻ സംസ്ഥാനങ്ങളിൽ വ്യാഴാഴ്ച മുതൽ ശക്തമായ മഴയാണ് പെയ്തു കൊണ്ടിരിക്കുന്നത്. കനത്ത മഴ ജനജീവിതത്തെ സരമായി ബാധിച്ചിട്ടുണ്ട്. സംസ്ഥാനത്തെ പല ജില്ലകളിലെ ആശയവിനിമയ സംവിധാനങ്ങളും തകരാറിലായിട്ടുണ്ട്.

Landslide in Arunachal Pradesh Seven killed as car falls into gorge