നമ്മുടെയൊക്കെ വീടുകളില്‍ ഇഷ്ടം പോലെ പഴയസാധനങ്ങള്‍ നമ്മള്‍ കൂട്ടിയിടാറുണ്ട്. ഉപയോഗശൂന്യമായ പലതും അവയിലുണ്ടായിരിക്കുകയും ചെയ്യും. എന്നാല്‍ ഇലക്ട്രിക് ഉപകരണങ്ങള്‍ ഇത്തരത്തില്‍ കൂട്ടിയിടുമ്പോള്‍ വലിയ അപകടങ്ങള്‍ പതിയിരിക്കുന്നത് നമ്മള്‍ ശ്രദ്ധിക്കാറില്ല. അതിനാല്‍ ഇത്തരം കാര്യങ്ങളില്‍ ഒരു ശ്രദ്ധ നല്ലതായിരിക്കും. 
കേടുവന്നതും പഴക്കമുള്ളതുമായ ഇലക്ട്രിക് ഉപകരണങ്ങള്‍ ഒരിക്കലും നിങ്ങള്‍ വീട്ടില്‍ സൂക്ഷിക്കാതിരിക്കുക. അവ ശരിയാ രീതിയില്‍ ഡിസ്‌പോസ് ചെയ്യാന്‍ ശ്രദ്ധിക്കുക. 

മൊബൈല്‍ ഫോണ്‍

മൊബൈല്‍ ഫോണിനെ നമ്മള്‍  സെല്‍ഫോണ്‍ എന്നും വിളിക്കുന്നു. ഫോണ്‍ വിളിക്കുക എന്നതിനേക്കാള്‍ മറ്റു സേവനങ്ങളും ഉപയോക്താവിന് മൊബൈല്‍ നല്‍കുന്നു. ഇമെയില്‍, ഇന്റര്‍നെറ്റ്, കളികള്‍, ബ്ലൂടൂത്ത്, കാമറ, ജിപിഎസ് തുടങ്ങിയവ അവയില്‍ പെടുന്നു. പരിമിതമായ സൗകര്യങ്ങളോടുകൂടിയ മൊബൈല്‍ ഫോണ്‍ ഫീച്ചര്‍ ഫോണുകളെന്നും കൂടുതല്‍ സൗകര്യങ്ങളും സേവനങ്ങളുമുള്ള മൊബൈല്‍ ഫോണുകളെ സ്മാര്‍ട്ട് ഫോണുകളെന്നും വിളിക്കുന്നു. എന്നാല്‍ ഉപയോഗം കഴിഞ്ഞതും പഴയതുമായ ഫോണുകള്‍ വീടുകളിലുണ്ടെങ്കില്‍ നിങ്ങള്‍ ശ്രദ്ധിക്കുക. 

ഉപയോഗിക്കാത്ത മൊബൈല്‍ ഫോണ്‍ അധിക വീടുകളിലും സൂക്ഷിച്ചു വയ്ക്കുന്നതു കാണാം. ഇങ്ങനെ വയ്ക്കുന്ന പഴയ മൊബൈല്‍ ഫോണുകള്‍ അലമാരയിലും ബെഡ്‌റൂമിലും ഒക്കെയായിരിക്കും സൂക്ഷിച്ചു വച്ചിട്ടുണ്ടാവുക. എന്നാല്‍ ഇതിലെ ബാറ്ററി വീര്‍ത്ത് പൊട്ടിത്തെറിക്കാന്‍ സാധ്യത കൂടുതലാണ്. അതുകൊണ്ട് ജാഗ്രത പാലിക്കുക. 

 

ഇയര്‍ ഫോണ്‍

മൊബൈല്‍ ഫോണ്‍ പോലെ തന്നെ നിത്യജീവിതത്തില്‍ ഒഴിച്ചു കൂടാന്‍ പറ്റാത്തവയാണ് ഇയര്‍ ഫോണുകളും. ഇവ ചെവിയില്‍ തിരുകി പാട്ടു കേള്‍ക്കുന്നതും സിനിമ കാണുന്നതുമൊക്കെ പലരുടെയും ശീലമാണ്. എന്നാല്‍ ഇവ സ്ഥിരമായി ഉപയോഗിക്കുന്നത് ചെവിയുടെ ആരോഗ്യത്തെ പ്രതികൂലമായി ബാധിക്കുകയും ചെയ്യും. ഇവയുടെ അമിത ഉപയോഗം കേള്‍ക്കുറവിലേക്കും നയിച്ചേക്കാം. 

പഴയതോ കേടുവന്നതോ ആയ ഇയര്‍ഫോണ്‍ ഉപയോഗിക്കുന്നുണ്ടെങ്കില്‍ അവ ശ്രദ്ധിക്കുക. 
ഇയര്‍ഫോണ്‍ പഴയത് ഉപയോഗിക്കുമ്പോള്‍ വളരെയധികം ശ്രദ്ധിക്കണം. കാരണം ഇയര്‍ഫോണില്‍ ബാറ്ററികളുണ്ട്. അതില്‍നിന്ന് ലീക്കേജ് ഉണ്ടായാല്‍ ആരോഗ്യത്തിനു ഹാനികരമാണ്. മാത്രമല്ല പ്രകൃതിക്കും ദോഷമാണ്. 

സോക്കറ്റ്

കുത്തിവയ്ക്കുന്ന വാള്‍ സോക്കറ്റുകള്‍ക്ക് കേടുപാടുകള്‍ ഉണ്ടെങ്കില്‍ പെട്ടെന്നു മാറ്റി വയ്ക്കുക. കേടുപാടുകള്‍ ഉണ്ടെങ്കില്‍ അവ തൊടുമ്പോള്‍ തന്നെ വൈദ്യുതാഘാതം ഉണ്ടാവാം. അതിനാല്‍ വളരെയധികം ശ്രദ്ധയോടെ വേണം ഉപയോഗിക്കാന്‍. 

 

ബള്‍ബ്

ഇന്‍കാന്‍ഡസന്റ് ബള്‍ബുകള്‍ ആദ്യമൊക്കെ നമ്മുടെ വീടുകളില്‍ ഉണ്ടായിരുന്നു. സിഎഫ്എല്‍ ബള്‍ബുകളും ട്യൂബ് ലൈറ്റുകളുമൊക്കെ എത്തുന്നതിനു മുമ്പ് ഇവനായിരുന്നു താരം. 

പഴയതോ കേടുവന്നതോ ആയ ബള്‍ബുകളാണ് വീട്ടിലുള്ളതെങ്കില്‍ ഇവ പലതരത്തിലുള്ള രാസവസ്തുക്കളും വാതകങ്ങളും നിറഞ്ഞിട്ടുള്ളവയാണ്. ഇത് പൊട്ടിത്തെറിക്കുന്ന സാഹചര്യങ്ങള്‍ ഉണ്ടാവാനും അതുവഴി വലിയ രീതിയിലുള്ള അപകടങ്ങള്‍ ഉണ്ടാവാനും സധ്യതയുണ്ട്. അതുകൊണ്ട് പഴയ ബള്‍ബുകള്‍ സൂക്ഷിച്ചു വയ്ക്കുന്നത് വളരെയധികം ശ്രദ്ധിക്കുക. 

സ്പീക്കറുകള്‍

 ഇവയില്‍ ധാരാളമായി കോപ്പര്‍ കോയിലുകള്‍, പ്ലാസ്റ്റിക്, ബാറ്ററികള്‍, ലോഹകാന്തങ്ങള്‍ തുടങ്ങി പലതും അടങ്ങിയിട്ടുണ്ട്. പഴക്കം ചെന്നവയാണെങ്കില്‍ ഇവ ശരിയായ രീതിയില്‍ ഡിസപോസ് ചെയ്യണം. 

 

ട്യൂബ് ലൈറ്റ്

ട്യൂബ് ലൈറ്റിലും രാസവസ്തുക്കളും വാതകങ്ങളും അടങ്ങിയിട്ടുണ്ട്. ഇത് പൊട്ടിത്തെറിക്കാനുള്ള സാധ്യതയും ഏറെയാണ്. ഏതെങ്കിലും സാഹചര്യത്തില്‍ പൊട്ടിത്തെറിക്കുകയാണെങ്കില്‍ വലിയ അപകടങ്ങള്‍ ഉണ്ടാവാം. 

 

പവര്‍ കേബിളുകള്‍

വിവിധ തരം പവര്‍ കേബിളുകള്‍ വിപണിയിലുണ്ട്. വൈദ്യുത ആവശ്യമുള്ളിടത്തെല്ലാം പവര്‍ കേബിളുകളും ഉപയോഗിക്കുന്നു. ഈട് സുരക്ഷ എന്നിവ ഉറപ്പാക്കിയാണ് നമ്മള്‍ ഇവ തിരഞ്ഞെടുക്കുക. ലോ ടെന്‍ഷന്‍ കേബിളുകള്‍ അഥവാ എല്‍ടി എന്നും അറിയപ്പെടുന്നു. 

പഴക്കം ചെന്ന വൈദ്യുതി കേബിളുകള്‍ ഉണ്ടെങ്കില്‍ ശ്രദ്ധിക്കുക. ഇൗ കേബിളുകളുടെ ഇന്‍സുലേഷന്‍ നഷ്ടപ്പെട്ടു പോവാന്‍ സാധ്യത കൂടുതലാണ്. ഇവ ശ്രദ്ധയോടെ കൈകാര്യം ചെയ്യുകയും ഇടയ്ക്കിടെ പരിശോധിക്കുകയും ചെയ്യുക. 

 

 

Don't ignore old gadgets. What looks harmless could turn hazardous. Make e-waste safety a priority in your home!