ദുബൈ: ഏത് രുചിക്കൂട്ടുകളും അനായാസം, അസാധാരണ മികവോടെ തയാറാക്കാന്‍ പ്രാഗല്‍ഭ്യമുള്ള ഒരു ഷെഫിനെ ദുബൈ ലോകത്തിന് പരിചയപ്പെടുത്തുന്നു. ഏത് റെസിപ്പിയും നിമിഷ നേരം കൊണ്ട് തയാറാക്കാന്‍ കഴിവുള്ള മിടു മിടുക്കന്‍ ഷെഫ്! 

ഈ പാചക വിദഗ്ധന്റെ പേര് ഷെഫ് ഐമാന്‍ എന്നാണ്. വിസ്മയങ്ങളുടെ നഗരമായ ദുബൈ അവതരിപ്പിക്കുന്ന ലോകത്തെ ആദ്യ എ.ഐ അധിഷ്ഠിത ഷെഫ്. ഈ വേനല്‍കാലത്ത് തന്നെ ബുര്‍ജ് ഖലീഫയുടെ എതിര്‍ വശത്തുള്ള കെംപിന്‍സ്‌കി ഹോട്ടലിലെ വുഹു റസ്റ്ററന്റില്‍ ഐമാന്‍ ചുമതലയേല്‍ക്കും. 

 

പ്രശസ്ത ഹോസ്പിറ്റാലിറ്റി ഗ്രൂപ്പായ ഗാസ്‌ട്രോനോട്ടാണ് ലോകത്തിലെ ആദ്യ എ.ഐ ഷെഫ് നടത്തുന്ന റസ്റ്ററന്റായ വുഹുവിന്റെ തുടക്കം പ്രഖ്യാപിച്ചത്. ഭക്ഷണ ചേരുവകള്‍ നിര്‍ദേശിക്കാനും, പാചകക്കുറിപ്പുകള്‍ തയാറാക്കാനും, അടുക്കള പ്രവര്‍ത്തനങ്ങളില്‍ സഹായിക്കാനും, മെനു ക്രമീകരിക്കാനും ഐമാന് കഴിയും. ഷെഫുമാരെ ഒഴിവാക്കാനല്ല, അവരുടെ പ്രവര്‍ത്തനം മെച്ചപ്പെടുത്താനും അവരെ സഹായിക്കാനുമാണ് ഐമാനെ നിയോഗിക്കുന്നനെന്ന് എ.ഐ ഷെഫിനെ വികസിപ്പിച്ചെടുത്ത യു.എം.എ.ഐ ടീം വ്യക്തമാക്കി. ഒരു പാചക 'സഹ പൈലറ്റി'ന്റെ ചുമതലയായിരിക്കും എ.ഐ ഷെഫ് നിറവേറ്റുന്നതെന്നും സംഘം വിശദീകരിക്കുന്നു. 

 

 

 

 

 

 

View this post on Instagram

 

 

 

 

 

 

 

 

 

 

 

A post shared by Hotelier India (@hotelier_india)

 

 

കര്‍ശന പ്രോട്ടോക്കോളുകള്‍ അനുസരിച്ചായിരിക്കും ഷെഫിന്റെ പെരുമാറ്റം. എല്ലാ പാചകക്കുറിപ്പുകളും തത്സമയ ഫീഡ്ബാക്ക് ലൂപ്പുകള്‍ ഉപയോഗിച്ച് പരീക്ഷിക്കുകയും അവയുടെ സുതാര്യത, സുരക്ഷ, ഉത്തരവാദിത്തം എന്നിവ ഉറപ്പാക്കുകയും ചെയ്യും. എ.ഐ ഷെഫിന്റെ 'കൈപ്പുണ്യം' ആസ്വദിക്കാന്‍ താത്പര്യമുള്ളവര്‍ക്കായി വുഹു റസ്റ്ററന്റ് ഔദ്യോഗികമായി തുറക്കുന്നതിനു മുന്‍പ് തന്നെ ബുക്കിങ്ങ് തുടങ്ങിയിട്ടുണ്ട്. 

 

വുഹുവിന്റെ മെനുവില്‍ ജാപനീസ്, മെക്‌സിക്കന്‍, പെറുവിയന്‍ രുചികളിലുള്ള ഭക്ഷണമാണ് ഉണ്ടാകുക. ഇവയുടെ സ്വാദിഷ്ഠമായ സങ്കലനം സാധ്യമാക്കാന്‍ നിര്‍മിത ബുദ്ധിയില്‍ പ്രവര്‍ത്തിക്കുന്ന ഷെഫിന് സാധിക്കുമെന്നാണ് വിലയിരുത്തല്‍. പാചക കാര്യങ്ങളില്‍ മാത്രമല്ല, മറ്റ് കാര്യങ്ങളിലും 'എക്‌സ്ട്രാ ഡീസന്റാ'ണ് ഐമാന്‍. 

 

Dubai welcomes Chef Aiman, the world’s first AI-powered chef and ready to run a real-life restaurant in Downtown.