റിയാദ്: അധിനിവിഷ്ട വെസ്റ്റ് ബാങ്കിലേക്കുള്ള അറബ് നയതന്ത്രജ്ഞരുടെ സന്ദര്‍ശനം ഇസ്‌റാഈല്‍ തടഞ്ഞത് 'സമാധാനത്തിലേക്കുള്ള നയതന്ത്ര പാതയെ നിരാകരിക്കുന്നതിന്റെ തെളിവാണെന്ന് സഊദി വിദേശകാര്യ പ്രിന്‍സ് ഫൈസല്‍ ബിന്‍ ഫര്‍ഹാന്‍. 

Hajj 2025: യു.എ.ഇയില്‍ നിന്ന് 6,228 തീര്‍ഥാടകര്‍, സ്വീകരിക്കാന്‍ പ്രത്യേക ക്യാംപുകള്‍; സൗകര്യങ്ങള്‍ പരിശോധിച്ച് ഉറപ്പുവരുത്തിയതായി ഹജ്ജ് കാര്യാലയം

നടപടി ഇസ്‌റാഈല്‍ തീവ്രവാദത്തെ ഉറപ്പിക്കുന്നതും സമാധാനത്തിലേക്കുള്ള നയതന്ത്ര പാതയില്‍ ഏര്‍പ്പെടാനുള്ള ഗൗരവമേറിയ ശ്രമങ്ങളെ നിരസിക്കുന്നതും സ്ഥിരീകരിക്കുന്നതാണെന്നും അമ്മാനില്‍ ജോര്‍ദാന്‍, ഈജിപ്ഷ്യന്‍, ബഹ്‌റൈന്‍ രാജ്യങ്ങളിലെ പ്രതിനിധികളോടൊപ്പം നടത്തിയ സംയുക്ത പത്രസമ്മേളനത്തില്‍ ഫൈസല്‍ രാജകുമാരന്‍ പറഞ്ഞു. അവര്‍ക്ക് അക്രമം മാത്രമേ വേണ്ടൂ എന്ന് വ്യക്തമാണെന്നും പത്രസമ്മേളനത്തില്‍ അദ്ദേഹം പറഞ്ഞു. 

ശനിയാഴ്ച അധിനിവേശ വെസ്റ്റ് ബാങ്ക് സന്ദര്‍ശിക്കാന്‍ പദ്ധതിയിട്ടിരുന്ന അഞ്ച് അറബ് രാജ്യങ്ങളിലെ വിദേശകാര്യ മന്ത്രിമാരടങ്ങിയ സംഘത്തെ തടഞ്ഞ ഇസ്‌റാഈലി തീരുമാനത്തെയും സംയുക്ത പത്രസമ്മേളനത്തില്‍ അറബ് രാജ്യങ്ങളുടെ പ്രതിനിധികള്‍ അപലപിച്ചു .

'ഫലസ്തീന്‍ പ്രസിഡന്റ് മഹ്മൂദ് അബ്ബാസിനെ കാണുന്നതിനായി ഞായറാഴ്ച റാമല്ലയിലേക്ക് പോകേണ്ടിയിരുന്ന പ്രതിനിധി സംഘത്തിന്റെ സന്ദര്‍ശനം വിലക്കിയ ഇസ്‌റഈല്‍ തീരുമാനത്തെ മന്ത്രിമാര്‍ അപലപിച്ചതായി ജോര്‍ദാന്‍ വിദേശകാര്യ മന്ത്രാലയം അറിയിച്ചു.

തുര്‍ക്കി, അറബ് ലീഗ് സെക്രട്ടറി ജനറല്‍ എന്നിവര്‍ക്കൊപ്പം ഈജിപ്ത്, ജോര്‍ദാന്‍, ഖത്തര്‍, സഊദി അറേബ്യ, യുഎഇ എന്നിവിടങ്ങളില്‍ നിന്നുള്ള മന്ത്രിമാരും പങ്കെടുക്കുമെന്ന് പ്രതീക്ഷിച്ചിരുന്നു.

വെള്ളിയാഴ്ച വൈകിട്ടാണ് ഇസ്‌റഈല്‍ല്‍ സന്ദര്‍ശനത്തോട് സഹകരിക്കില്ലെന്ന് പ്രഖ്യാപിച്ചത്. പ്രദേശത്തെ അതിര്‍ത്തികളും വ്യോമാതിര്‍ത്തിയും ഇസ്‌റാഈലിന്റെ  നിയന്ത്രണത്തില്‍ ആയിരുന്നതിനാല്‍ സംഘത്തിന് സന്ദര്‍ശനത്തില്‍ നിന്ന് പിന്‍വലിയേണ്ടി വന്നു.

ലോകാരോഗ്യ സംഘടനയുടെ എക്‌സിക്യുട്ടീവ് വൈസ് ചെയര്‍മാന്‍ പദവി സഊദി അറേബ്യക്ക്

'ഫലസ്തീന്‍ രാഷ്ട്രം സ്ഥാപിക്കുന്നതിനെ പ്രോത്സാഹിപ്പിക്കുന്നതിനെക്കുറിച്ച് ചര്‍ച്ച ചെയ്യുന്നതിനായി അറബ് രാജ്യങ്ങളില്‍ നിന്നുള്ള വിദേശകാര്യ മന്ത്രിമാരുടെ ഒരു യോഗം റാമല്ലയില്‍ നടത്താനാണ് അബ്ബാസ് ഉദ്ദേശിച്ചിരുന്നത്,' എന്ന് ഒരു അജ്ഞാത ഉദ്യോഗസ്ഥന്‍ പറഞ്ഞതായി പ്രസ്താവനയില്‍ പറയുന്നു.

സന്ദര്‍ശനം നടന്നിരുന്നെങ്കില്‍, പ്രതിനിധി സംഘത്തിന്റെ തലവനായ ഫൈസല്‍ ബിന്‍ ഫര്‍ഹാന്‍ വെസ്റ്റ് ബാങ്ക് സന്ദര്‍ശിക്കുന്ന ആദ്യത്തെ സഊദി വിദേശകാര്യ മന്ത്രിയാകുമായിരുന്നു.

Saudi Foreign Minister criticizes Israel for blocking Arab diplomats from visiting the West Bank, calling it clear evidence of Israel’s refusal to engage in the peace process. Tensions in the region continue to rise.