ഉയര്‍ന്ന കൊളസ്‌ട്രോളിനെ നാം നിശബ്ദ കൊലയാളി എന്ന് വിളിക്കുന്നു. ഇന്നത്തെ കാലത്ത് കൊളസ്‌ട്രോള്‍ വര്‍ധിക്കുന്നത് സാധാരണയായി മാറിയിരിക്കുന്നു. എന്നാല്‍ ലക്ഷണങ്ങള്‍ യഥാസമയം തിരിച്ചറിഞ്ഞില്ലെങ്കില്‍ അവ മാരകമായേക്കാം. പ്രത്യേകിച്ച് ലക്ഷണങ്ങളൊന്നുമില്ലെങ്കിലും അവ വര്‍ധിക്കുമ്പോള്‍ നിങ്ങളുടെ പാദങ്ങള്‍ ചില സൂചനകള്‍ തന്നു തുടങ്ങും.

ഹൃദയസംബന്ധമായ അസുഖങ്ങളാണ് കൊളസ്‌ട്രോള്‍ വര്‍ധിപ്പിക്കുക. ഇത്തരം സാഹചര്യത്തില്‍ ആരോഗ്യത്തിനുവേണ്ടി വ്യായാമവും യോഗയും നടത്തവും ഒക്കെ ശീലിക്കാവുന്നതാണ്. കൂടുതല്‍ ആളുകളും നടക്കുന്നവരാണ്. ഇവരുടെ എണ്ണമാണ് കൂടുതലായി കാണപ്പെടുന്നത്.

കുട്ടികളും മുതിര്‍ന്നവരുമൊക്കെ രാവിലെ നടക്കുന്നത് നമ്മള്‍ കാണാറുണ്ട്. എന്നാല്‍ നടക്കുമ്പോള്‍ ശരീരത്തില്‍ ചില ലക്ഷണങ്ങള്‍ കാണുമ്പോള്‍ വളരെയധികം ശ്രദ്ധിക്കണം. നിങ്ങളുടെ കൊളസ്‌ട്രോള്‍ ഉയര്‍ന്നതാവാം കാരണം. 

നിങ്ങളുടെ പാദങ്ങളില്‍ മരവിപ്പോ ഇക്കിളിപോലെയോ ആവര്‍ത്തിച്ചു വരുന്നുണ്ടെങ്കില്‍ രക്തചംക്രമണം മോശമാണെന്ന് മനസിലാക്കുക. ധമനികളില്‍ കൊളസ്‌ട്രോള്‍ അടിഞ്ഞു കൂടുമ്പോള്‍ അത് രക്തചംക്രമണത്തെ തടഞ്ഞു തുടങ്ങും. ഇതുമൂലെ കാലുകളിലേക്ക് ഓക്‌സിജന് എത്താന്‍ കഴിയില്ല. ഇത് കൂടിയാല്‍ നിങ്ങളുടെ ഞരമ്പുകളെ ബാധിച്ചേക്കാം. 

ധമനികളിലെ ഓകിസിജന്റെ അഭാവം മൂലം പേശികളും ദുര്‍ബലമാവും. അങ്ങനെ വരുമ്പോള്‍ നടക്കാന്‍ ബുദ്ധിമുട്ട് അനുഭവപ്പെട്ടേക്കാം. ഇങ്ങനെയുള്ള അവസ്ഥ തുടരുകയാണെങ്കില്‍ കൊളസ്‌ട്രോളിന്റെ അളവ് കൂടുതലാണെന്ന് മനസിലാക്കുക. 

അതുപോലെ പാദം തണുക്കുകയും ചെയ്യും. പ്രത്യേകിച്ച് നടക്കുമ്പോഴോ അതിനുശേഷമോ രക്തചംക്രമണം ശരിയായില്ലെങ്കില്‍. 

നടക്കുമ്പോള്‍ കാലുകളില്‍ വേദന അനുഭവപ്പെടാന്‍ തുടങ്ങിയാല്‍ നിങ്ങളുടെ രക്തക്കുഴലുകളില്‍ കൊളസ്‌ട്രോള്‍ അടിഞ്ഞുകൂടാനുള്ള സാധ്യത കൂടുതലാണ്.

പാദങ്ങളുടെ നിറത്തില്‍ എന്തെങ്കിലും മാറ്റമുണ്ടെങ്കിലും ശ്രദ്ധിക്കുക. അതായത് കൊളസ്‌ട്രോള്‍ വര്‍ധിക്കുന്നതിനാല്‍ പാദങ്ങളുടെ ചര്‍മം മഞ്ഞയോ നീലയോ ആവാം. കാലുകളില്‍ തിണര്‍പ്പോ പാടുകളോ പ്രത്യക്ഷപ്പെടാം.  

തെറ്റായ ജീവിതരീതിയും വ്യായാമക്കുറവും ഹൃദയസംബന്ധമായ രോഗങ്ങളും കൊളസ്‌ട്രോളും വര്‍ധിക്കാന്‍ കാരണമാവുന്നു.