ചണ്ഡീഗഡ്: ഐപിഎല്‍ 2025ല്‍ ഇന്ന് കനത്ത സമ്മർദ്ദം നിറഞ്ഞ എലിമിനേറ്റർ പോരാട്ടം. രണ്ടാം ക്വാളിഫയറിലേക്കുള്ള പ്രവേശനത്തിനായി മുംബൈ ഇന്ത്യന്‍സും ഗുജറാത്ത് ടൈറ്റന്‍സും തമ്മിൽ മത്സരം നടക്കും. ചണ്ഡീഗഡിലെ മഹാരാജ യാദവീന്ദ്ര സിംഗ് ഇന്റർനാഷണൽ സ്റ്റേഡിയത്തിൽ രാത്രി 7.30നാണ് മത്സരം.

ഈ മത്സരത്തിൽ തോൽക്കുന്ന ടീം ടൂർണമെന്റിൽ നിന്ന് പുറത്താകും. വിജയിക്കുന്നവർ ഞായറാഴ്ച പഞ്ചാബ് കിംഗ്സിനെതിരെ രണ്ടാം ക്വാളിഫയറിൽ കളിക്കും. പോയിന്റ് പട്ടികയിൽ മൂന്നും നാലും സ്ഥാനങ്ങളിൽ ഫിനിഷ് ചെയ്ത ടീമുകളാണ് ഗുജറാത്തും മുംബൈയും.

ഗുജറാത്തിന് ബട്‌ലറില്ല; ആകാംക്ഷ കുശാൽ മെൻഡിസിൽ

ജോസ് ബട്‌ലറിന്‍റെ അഭാവം ഗുജറാത്തിന് വലിയ ആഘാതമാണ്. അദ്ദേഹത്തിന് പകരം കുശാൽ മെൻഡിസ് തുടക്കം നൽകുമെന്നാണ് സാധ്യത. ഗുജറാത്ത് ഓപ്പണർമാരായ ശുഭ്മാൻ ഗിൽ, സായ് സുദർശൻ എന്നിവരുടെ പെർഫോമൻസിന് വലിയ പ്രസക്തിയുണ്ടാകും. ഇന്നലെ വരെ ഗില്‍ നേടിയ റണ്‍സിന്‍റെ അടിസ്ഥാനത്തില്‍ അദ്ദേഹത്തെ കുറിച്ചുള്ള പ്രതീക്ഷ ശക്തമാണ്.

ബൗളിംഗിൽ റാഷിദ് ഖാന്‍റെ ഫോം ഇത്തവണ നിരാശയാണെങ്കിലും സായ് കിഷോർ, പ്രസിദ്ധ് കൃഷ്ണ, മുഹമ്മദ് സിറാജ് എന്നിവരിൽ ഗുജറാത്ത് പ്രതീക്ഷവയ്ക്കുന്നു.

 മുംബൈയുടെ വിജയ സൂര്യൻ

മുംബൈ ജയിക്കാൻ പ്രധാനായും ആശ്രയിക്കുന്നത് സൂര്യകുമാർ യാദവിന്റെ ഫോമാണ്. കൂടാതെ ജസ്പ്രീത് ബുമ്ര, ട്രെന്‍റ് ബോൾട്ട്, മിച്ചൽ സാന്‍റ്നർ എന്നിവരുടെ ബൗളിംഗും നിർണായകമാകും. ക്യാപ്റ്റൻ ഹാർദിക് പണ്ഡ്യ, രോഹിത് ശർമ്മ, തിലക് വർമ്മ തുടങ്ങിയവരുടെ പ്രകടനവും നിർണായകമാകും.

റയാൻ റിക്കിൾട്ടന് നാട്ടിലേക്ക് മടങ്ങിയതോടെ ജോണി ബെയ്ർസ്റ്റോയുടെ പ്രവേശനത്തിന് വഴിയോരുങ്ങും.

ആകെ നേർക്കുനേർ സ്ഥിതി

ഇതുവരെ മുംബൈയും ഗുജറാത്തും ഏറ്റുമുട്ടിയതില്‍ ഒൻപത് കളികളിൽ ഏഴിലും വിജയിച്ചത് ഗുജറാത്താണ്. മുംബൈക്ക് വിജയിച്ചിരിക്കുന്നത് രണ്ട് മത്സരങ്ങളിൽ മാത്രമാണ്.

A fiery battle awaits as Mumbai Indians take on Gujarat Titans in the IPL Eliminator today at the Maharaja Yadavindra Singh Stadium, Chandigarh. The high-stakes clash will determine who moves to the second qualifier to face Punjab Kings, while the loser will exit the tournament. Mumbai banks heavily on Suryakumar Yadav’s form, while Gujarat must cope with the absence of Jos Buttler. With both teams aiming for survival, fans can expect a nail-biting encounter.