മഴക്കാലത്ത് വാതിലുകള്‍ വീര്‍ക്കുന്നതു അധികവീടുകളിലും കണ്ടുവരുന്ന കാഴ്ചയാണ്. ഇങ്ങനെ വീര്‍ത്ത വാതിലുകളില്‍ നിന്ന് ഒരു ശബ്ദവും വരുന്നതു കാണാം.  ഇതു കേള്‍ക്കുമ്പോള്‍ മിക്കവരും അസ്വസ്ഥരാവുകയും ചെയ്യാറുമുണ്ട്.

ഇതൊഴിവാക്കാനായി നമ്മള്‍ പല പോംവഴികളും പ്രയോഗിച്ചു നോക്കും. അപ്പോഴും ശബ്ദം അതുപോലെയിരിക്കുകയല്ലാതെ മാറ്റമൊന്നും ഉണ്ടാവുകയില്ല. എന്നാല്‍ ഇതെങ്ങനെ നമ്മള്‍ക്ക് മാറ്റിയെടുക്കാം എന്നു നോക്കാം. 

വാതില്‍ ശബ്ദം പുറപ്പെടുവിക്കുന്നതിനു നിരവധി കാരണങ്ങളുണ്ടാവാം. വാതില്‍ അയഞ്ഞിരിക്കുന്നതും ഗ്രീസ് ഇല്ലാതിരിക്കുന്നതും വാതിലിന്റെ അടിഭാഗം തറയില്‍ ഉരയാതെ ഇരിക്കുക തുടങ്ങിയവയൊക്കെ കാണാം.

ആദ്യം വാതിലിന്റെ ഹിഞ്ചുകളില്‍ അല്‍പം ഗ്രീസ് പുരട്ടിക്കൊടുക്കുക. ഇത് വാതില്‍ എളുപ്പത്തില്‍ തുറക്കാനും അടക്കാനും ശബ്ദം കുറയ്ക്കാനുമൊക്കെ സഹായിക്കും. ഹിഞ്ച് ബോള്‍ട്ടുകള്‍ അയഞ്ഞിട്ടുണ്ടെങ്കില്‍ അവ മുറുക്കിക്കൊടുക്കാന്‍ മറക്കാതിരിക്കുക. 

ഹിഞ്ചുകള്‍ക്ക് കേടുപാടുകള്‍ സംഭവിച്ചിട്ടുണ്ടെങ്കില്‍ പുതിയവ വയ്ക്കുക. ഇനി വാതിലിന്റെ താഴ്ഭാഗത്തു നിന്നാണ് ശബ്ദം വരുന്നതെങ്കില്‍ വാതിലിന്റെ അടിഭാഗമൊന്നു പരിശോധിക്കണം.

വാതിലിന്റെ അടിയില്‍ ഒരു ഡോര്‍ സ്‌റ്റോപ് സ്ഥാപിച്ചാല്‍ മതിയാവും. ഇത് വാതില്‍ പൂര്‍ണമായും അടയുന്നത് തടയുകയും ശബ്ദം കുറയ്ക്കുകയും ചെയ്യും.

വാതിലിന്റെ അരികുകളില്‍ നിങ്ങള്‍ക്ക് വെതര്‍ സ്ട്രിപ്പുകള്‍ വയ്ക്കാവുന്നതാണ്. അത് സ്വന്തമായി വയ്ക്കാന്‍ കഴിയില്ലെങ്കില്‍ പ്രഫഷണല്‍ പണിക്കാരെ കൊണ്ടു ചെയ്യിക്കുക.

വാതിലിന്റെ പിടിയും പൂട്ടുകളുമൊക്കെ ശ്രദ്ധിക്കുകയും വേണം. ഇവയ്ക്കു എന്തെങ്കിലും കേടുപാടുകള്‍ സംഭവിച്ചിട്ടുണ്ടെങ്കില്‍ മാറ്റിവയ്ക്കുകയും വേണം. ഇത് വാതിലിന്റെ ശബ്ദം കുറയ്ക്കുന്നതാണ്.  

പരിശോധന

വാതിലുകള്‍ ഇടയ്ക്കിടെ പരിശോധിക്കേണ്ടത് നിര്‍ബന്ധമാണ്. എങ്കില്‍ ഭാവിയില്‍ യാതൊരു പ്രശ്‌നവുമുണ്ടാവുകയില്ല. ഇത്തരം കാര്യങ്ങളില്‍ ശ്രദ്ധവച്ചാല്‍ വാതിലുകളില്‍ നിന്നു വരുന്ന ശബ്ദം ഇല്ലാതാക്കാന്‍ പറ്റുകയും വീട് ശാന്തമായിരിക്കുകയും ചെയ്യും. 

During the monsoon season, many households experience swollen doors that make creaking noises, causing irritation for many. People try various remedies, but the sound often persists.