കൊച്ചി: ജനപ്രതിനിധികൾ  പ്രതികളായ പഴയ കേസുകളിൽ നടപടിക്രമങ്ങൾ വേഗത്തിലാക്കണമെന്ന് സർക്കാരിനോട് ഹൈക്കോടതി. 

സുപ്രിംകോടതി നിർദേശപ്രകാരം എം.പിമാരും എം.എൽ.എമാരും പ്രതികളായ കേസുകളുടെ വിചാരണ സംബന്ധിച്ച മേൽനോട്ടത്തിന് ഹൈക്കോടതി സ്വമേധയാ സ്വീകരിച്ച ഹരജിയിലാണ് ചീഫ് ജസ്റ്റിസ് നിധിൻ ജാംദാർ, ജസ്റ്റിസ് ബസന്ത് ബാലാജി എന്നിവരടങ്ങുന്ന ഡിവിഷൻ ബെഞ്ചിന്റെ നിർദേശം. കഴിഞ്ഞ ജനുവരിയിൽ ഹരജി പരിഗണിക്കവേ ജനപ്രതിനിധികളും മുൻ ജനപ്രതിനിധികളും പ്രതികളായ പത്തുവർഷം പഴക്കമുള്ള 53 കേസുകളിലും അഞ്ചുവർഷം പഴക്കമുള്ള 127 കേസുകളിലും നടപടികൾ അന്തിമറിപ്പോർട്ട് നൽകിയ അവസ്ഥയിൽ തുടരുന്നതായി സർക്കാർ അറിയിച്ചിരുന്നു.  സമൻസ് ലഭിക്കാത്തതിനാൽ കക്ഷികൾ ഹാജരാകാത്തതിനാലാണ് ഈ കേസുകൾ കുറ്റം ചുമത്തൽ ഘട്ടത്തിൽ നിൽക്കുന്നത്. 

സർക്കാർ പരാമർശിച്ച ഈ കേസുകൾ എളുപ്പം തീർപ്പാക്കാൻ ജനുവരിക്ക് ശേഷം സ്വീകരിച്ച നടപടികൾ അറിയിക്കാനാണ് നിർദേശം. മൂന്നാഴ്ചയ്ക്കകം ഇതുസംബന്ധിച്ച വിവരം നൽകണം. അഞ്ചാഴ്ചയ്ക്ക് ശേഷം ഹരജി വീണ്ടും പരിഗണിക്കാനായി മാറ്റി.

The Kerala High Court has directed the state government to speed up legal proceedings in long-pending cases involving elected representatives. The order emphasizes timely justice and accountability for public officials facing criminal charges. Stay updated on this significant judicial intervention.