കൽപ്പറ്റ: മുട്ടിൽ സൗത്ത് വില്ലേജിലെ പട്ടയഭൂമികളിൽ 2020-2021ൽ നടന്ന അനധികൃത മരംമുറിയുമായി ബന്ധപ്പെട്ട കേസുകൾ എങ്ങുമെത്തിയില്ല. നാലുവർഷം പിന്നിടുമ്പോഴും വനംവകുപ്പ് പല കേസുകളിലും കുറ്റപത്രം സമർപ്പിച്ചിട്ടില്ല. വനംവകുപ്പ് രജിസ്റ്റർ ചെയ്ത ഒ.ആർ 01/2021 മുതൽ 43/2021 വരെയുള്ള കേസുകളിലാണ് കുറ്റപത്രം സമർപ്പിക്കാത്തത്. ഇതേ അവസ്ഥയാണ് പൊലിസ് കേസുകളിലും. 25ഓളം എണ്ണത്തിൽ ഇനിയും കുറ്റപത്രം സമർപ്പിക്കാനുണ്ട്.  മരംമുറി കേസിലെ 31 എണ്ണത്തിൽ കെ.എൽ.സി (കേരള ലാൻഡ് കൺസർവൻസി) നടപടികളും എങ്ങുമെത്തിയില്ല. തീർപ്പാക്കിയ 37 കേസുകളിലാകട്ടെ കണക്കാക്കിയ പിഴ കക്ഷികളിൽ ആരും അടച്ചിട്ടുമില്ല. വിവരാവകാശ മറുപടിയിലാണ് ഇക്കാര്യമുള്ളത്.

68 കേസുകളാണ് കെ.എൽ.സി നടപടിക്ക് വിട്ടത്. ഇതിൽ 37 എണ്ണത്തിൽ 8.29 കോടി രൂപയാണ് പിഴ കണക്കാക്കിയത്. ബാക്കി കേസുകൾ എപ്പോൾ തീർപ്പാക്കുമെന്നതിൽ അനിശ്ചിതത്വം തുടരുകയാണ്. 2021 ഫെബ്രുവരിയിൽ ആരംഭിച്ചതാണ് കെ.എൽ.സി നടപടികൾ. മുട്ടിൽ സൗത്ത് വില്ലേജിൽ പട്ടയഭൂമികളിൽ നിന്ന് മുറിച്ച മരങ്ങൾ 2021 ജൂണിലാണ് വനംവകുപ്പ് കസ്റ്റഡിയിലെടുത്തത്. 231 ക്യുബിക് മീറ്റർ ഈട്ടിയാണ് ഇപ്പോൾ കുപ്പാടിയിലെ വനംവകുപ്പ് ഡിപ്പോയിലുള്ളത്. ഓരോവർഷം കഴിയുമ്പോഴും തടികളുടെ ഗുണനിലവാരം കുറയുകയാണ്. ഇപ്പോഴത്തെ ചീഫ് സെക്രട്ടറി ഡോ. എ. ജയതിലക് റവന്യൂ സെക്രട്ടറിയായിരിക്കെ 2020 ഒക്ടോബർ 24ന് പുറപ്പെടുവിച്ച ഉത്തരവിന്റെ മറവിലാണ് ഖജനാവിന് കോടിക്കണക്കിന് രൂപ നഷ്ടം വരുത്തിയ മരംമുറി നടന്നത്.

The Muttil tree felling case has seen no significant progress even four years after the incident. The case remains unresolved, with many questions still unanswered. Further updates on the investigation are awaited.