തൃശൂര്‍: ഡിവൈഎഫ് ഐ പ്രവര്‍ത്തകന്‍ കുമ്പളങ്ങാട് ബിജുവിന്റെ കൊലപാതകത്തില്‍ പ്രതികളായ ആര്‍എസ്എസ് പ്രവര്‍ത്തകര്‍ക്ക് ജീവപര്യന്തം തടവ്. തൃശൂര്‍ മൂന്നാം അഡീഷണല്‍ സെഷന്‍സ് കോടതിയാണ് ശിക്ഷ വിധിച്ചത്. 2010 മെയ് 16നാണ് തൃശൂര്‍ കുമ്പളങ്ങാട് വെച്ച് ബിജുവിനെ ആര്‍എസ്എസ് പ്രവര്‍ത്തകര്‍ വെട്ടികൊലപ്പെടുത്തിയത്. 

ജയേഷ്, സുമേഷ്, സെബാസ്റ്റ്യന്‍, ജോണ്‍സണ്‍, ബിജു, രവി, സജീഷ്, സുനീഷ്, സനീഷ് എന്നിങ്ങനെ കേസില്‍ ആകെ 9 പ്രതികളാണ് ഉണ്ടായിരുന്നത്. ഇതില്‍ ആറാം പ്രതി രവി മരണപ്പെട്ടിരുന്നു. രാഷ്ട്രീയ വൈരാഗ്യമാണ് കൊലക്ക് കാരണമെന്നാണ് കണ്ടെത്തല്‍. 

ALSO READ: ഇന്ത്യയിൽ കോവിഡ് കേസുകൾ 2,700 കവിഞ്ഞു; കേരളത്തിൽ 1,147 സജീവ കേസുകൾ, 24 മണിക്കൂറിൽ 7 മരണം Read more at: 

ആക്രമണത്തിനിടെ ബിജുവിനെ ആക്രമിക്കുന്നത് തടയാന്‍ ശ്രമിച്ച കുമ്പളങ്ങാട് പന്തലങ്ങാട്ട് ജിനീഷ് (39) ന് പരിക്കേറ്റിരുന്നു. ജിനീഷ് ഉള്‍പ്പെടെ 24 സാക്ഷികളെ പ്രോസിക്യൂഷന്‍ ഭാഗത്ത് നിന്ന് വിസ്തരിച്ചു. 82 രേഖകളും, കൊലക്ക് ഉപയോഗിച്ച വാളുകള്‍ ഉള്‍പ്പെടെ 23 തൊണ്ടിമുതലുകള്‍ ഹാജരാക്കി. വടക്കാഞ്ചേരി സി ഐ ടിഎസ് സിനോജിന്റെ നേതൃത്വത്തലാണ് കേസ് അന്വേഷണം നടത്തിയത്.

DYFI worker Kumblangad Biju's murder case: The RSS workers accused in the case have been sentenced to life imprisonment by thrissur additional court