മക്ക: ഹജ്ജ് തീര്‍ത്ഥാടന കാലത്ത് സുരക്ഷ ഉറപ്പാക്കുന്നതിനുള്ള വിശാലമായ ശ്രമങ്ങളുടെ ഭാഗമായി ഹജ്ജ് തീര്‍ത്ഥാടകര്‍ പുണ്യസ്ഥലങ്ങളിലുടനീളമുള്ള അവരുടെ താമസ സ്ഥലങ്ങളിലെ എമര്‍ജന്‍സി എക്‌സിറ്റുകളുടെ സ്ഥാനം മനസ്സിലാക്കിയിരിക്കണമെന്ന് സഊദി ജനറല്‍ ഡയറക്ടറേറ്റ് ഓഫ് സിവില്‍ ഡിഫന്‍സ് അഭ്യര്‍ത്ഥിച്ചു.

ALSO READ: യുഎഇയിലെ പ്രവാസിയാണോ? പുതിയ മാധ്യമനിയമം അറിഞ്ഞിരിക്കണം, രണ്ട് മില്യണ്‍ ദിര്‍ഹം വരെ പിഴയുള്ള ശിക്ഷകള്‍ | UAE new media law explained

ഉയര്‍ന്ന ജനസാന്ദ്രതയുള്ള ഏരിയകളില്‍ ജീവനും സ്വത്തിനും സംരക്ഷണം നല്‍കുന്നതിനുള്ള എല്ലാ സുരക്ഷാ നിര്‍ദ്ദേശങ്ങളും പ്രതിരോധ മാര്‍ഗ്ഗനിര്‍ദ്ദേശങ്ങളും പാലിക്കേണ്ടതിന്റെ പ്രാധാന്യവും സിവില്‍ ഡിഫന്‍സ് ഡയറക്ടറേറ്റ് എടുത്തിപറഞ്ഞു.

ALSO READ: അന്താരാഷ്ട്ര ആണവോര്‍ജ ഏജന്‍സി സുതാര്യതാ റേറ്റിങ്; പട്ടികയില്‍ തുടര്‍ച്ചയായ മൂന്നാം വര്‍ഷവും യു.എ.ഇ

മാധ്യമങ്ങളിലൂടെയും സോഷ്യല്‍ മീഡിയ പ്ലാറ്റ്‌ഫോമുകളിലൂടെയും പ്രചരിക്കുന്ന ഔദ്യോഗിക അപ്‌ഡേറ്റുകളെക്കുറിച്ച് തീര്‍ത്ഥാടകര്‍ ജാഗ്രത പാലിക്കണമെന്നും അധികൃതര്‍ നിര്‍ദ്ദേശിച്ചു. എല്ലാ തീര്‍ത്ഥാടകര്‍ക്കും സുരക്ഷിതമായ ഹജ്ജ് അനുഭവം ഉറപ്പാക്കുന്നതിനാണ് എല്ലാ സുരക്ഷാ നിര്‍ദ്ദേശങ്ങളും രൂപകല്‍പ്പന ചെയ്തിരിക്കുന്നതെന്ന് ഡയറക്ടറേറ്റ് അറിയിച്ചു.

ALSO READ: ബലിപെരുന്നാള്‍ ദിനത്തില്‍ ആറിടങ്ങളില്‍ പീരങ്കിവെടി മുഴക്കാന്‍ ദുബൈ പൊലിസ്

അടിയന്തര സാഹചര്യങ്ങളില്‍ മക്ക മേഖലയിലെ തീര്‍ഥാടകര്‍ 24 മണിക്കൂറും പ്രവര്‍ത്തിക്കുന്ന ഏകീകൃത അടിയന്തര നമ്പറായ 911 ല്‍ ബന്ധപ്പെടണമെന്ന് അധികൃതര്‍ അഭ്യര്‍ത്ഥിച്ചു.

തീര്‍ഥാടകര്‍ക്ക് സുരക്ഷിതമായ അന്തരീക്ഷം നിലനിര്‍ത്തുന്നതിനുള്ള പ്രതിജ്ഞാബദ്ധത സിവില്‍ ഡിഫന്‍സ് അതോറിറ്റി ആവര്‍ത്തിച്ചു. സുരക്ഷാ ഉദ്യോഗസ്ഥരോടും ചട്ടങ്ങളോടും പൂര്‍ണ്ണമായി സഹകരിക്കാന്‍ അധികൃതര്‍ വ്യക്തികളോട് ആവശ്യപ്പെട്ടു.