ദുബൈ: യുഎഇയില്‍ ബലിപെരുന്നാളിന് ഇനി മണിക്കൂറുകള്‍ മാത്രമേ ബാക്കിയുള്ളൂ. പെരുന്നാള്‍ ആഘോഷത്തിന്റെ ഭാഗമായി എങ്ങോട്ടു പോകുമെന്ന ചിന്തയിലോണോ നിങ്ങള്‍?

ഉയര്‍ന്ന യാത്രാ നിരക്കുകളും കുതിച്ചുയരുന്ന ഹോട്ടല്‍ ചിലവുകളും പെരുന്നാള്‍ ബജറ്റിനെ ബാധിക്കുമെന്ന് കരുതുന്നുണ്ടെങ്കില്‍ ഇത് നിങ്ങള്‍ക്കുള്ളതാണ്.  

ഭാഗ്യവശാല്‍, നിങ്ങളുടെ പോക്കറ്റ് കീറാതെ തന്നെ പെരുന്നാള്‍ ആഘോഷിക്കാനുള്ള മാര്‍ഗങ്ങള്‍ ദുബൈയിലുണ്ട്.

50 ദിര്‍ഹത്തില്‍ കൂടുതല്‍ ചെലവഴിക്കാതെ പെരുന്നാള്‍ ആഘോഷിക്കാന്‍ ആഗ്രഹിക്കുന്ന താമസക്കാര്‍ക്ക്, ഒരുമിച്ച് ആസ്വദിക്കാന്‍ കഴിയുന്ന പത്ത് കാര്യങ്ങള്‍ ഇതാ:

ബീച്ചില്‍ സമയം ചെലവഴിക്കാം

ഒരു പിക്‌നിക് പായ്ക്ക് ചെയ്ത് ജുമൈറ പബ്ലിക് ബീച്ചിലോ അല്ലെങ്കില്‍ കൈറ്റ് ബീച്ചിലോ പോയി സമയം ചിലവഴിക്കാം. സമുദ്രവും ശുദ്ധവായുവും ശ്വസിച്ച് താമസക്കാര്‍ക്ക് ഇവിടെ സമയം ചിലവഴിക്കാം. ഇത് തികച്ചും സൗജന്യമായതിനാല്‍ ബജറ്റിനെക്കുറിച്ചോര്‍ത്ത് ആശങ്കപ്പെടേണ്ട കാര്യമില്ല.

ഓള്‍ഡ് ദുബൈയിലൂടെ ചുറ്റിക്കറങ്ങാം

ഓള്‍ഡ് ദുബൈയുടെ ഹൃദയഭാഗങ്ങളിലൂടെ ഒരു നടത്തം എമിറേറ്റിന്റെ പാരമ്പര്യവും സംസ്‌കാരവും ആഴത്തില്‍ അറിയാനുള്ള അവസരമാണ്. അല്‍ ഫഹീദി ചരിത്ര മേഖലയിലെ തനതായ പൈതൃക മ്യൂസിയങ്ങളാണ് ഇവിടുത്തെ പ്രധാന ആകര്‍ഷണങ്ങള്‍. ഖോര്‍ ദുബൈയും ഗോള്‍ഡ് സൂക്കും സ്‌പൈസ് സൂക്കും സന്ദര്‍ശകരെ ആകര്‍ഷിക്കുന്നു. ഈ വഴികളിലെ കടകളും കവലകളും പഴയ കാല ദുബൈയുടെ ദൃശ്യങ്ങള്‍ ഓര്‍മപ്പെടുത്തും. ഈ വഴികളിലൂടെ സഞ്ചരിക്കാന്‍ ചിലവില്ലെങ്കിലും മ്യൂസിയങ്ങളില്‍ പ്രവേശിക്കണമെങ്കില്‍ നാമമത്രമായ ഫീസുണ്ട്.

ദുബൈ ക്രീക്കിലെ അബ്ര റൈഡ്

ഒരിക്കലെങ്കിലും ദുബൈ ക്രീക്കിലെ അബ്ര റൈഡ് നടത്താന്‍ നിങ്ങള്‍ ആഗ്രഹിക്കുന്നുവെങ്കില്‍ ഇത് അതിന് ശരിയായ സമയമാണ്. ബര്‍ ദുബൈയും ദേരയും കാണാന്‍ കഴിയുന്ന അവസരം കൂടിയാണിത്. അബ്രയിലെ സൂര്യാസ്തമയ നേരത്തെ കാഴ്ചകള്‍ നിങ്ങള്‍ക്ക് അവിസ്മരണീയമായ അനുഭവം പ്രദാനം ചെയ്യും.

   ALSO READ: യുഎഇയിലെ പ്രവാസിയാണോ? പുതിയ മാധ്യമനിയമം അറിഞ്ഞിരിക്കണം, രണ്ട് മില്യണ്‍ ദിര്‍ഹം വരെ പിഴയുള്ള ശിക്ഷകള്‍ | UAE new media law explained              

ഒരു പബ്ലിക് പാര്‍ക്ക് സന്ദര്‍ശിക്കാം

സബീല്‍ പാര്‍ക്ക്, സഫ പാര്‍ക്ക് തുടങ്ങി നിരവധി മനോഹരമായ പൊതു പാര്‍ക്കുകള്‍ ദുബൈയിലുണ്ട്. പിക്‌നിക്കുകള്‍, കളിസ്ഥലങ്ങള്‍, തുറസ്സായ ഹരിത ഇടങ്ങള്‍ എന്നിവ ആസ്വദിക്കാന്‍ ആഗ്രഹിക്കുന്നവര്‍ക്ക് ഈ പാര്‍ക്കുകള്‍ സന്ദര്‍ശിക്കാം.

എത്രയാണ് ചെലവ്: സബീല്‍ പാര്‍ക്കിലും ക്രീക്ക് പാര്‍ക്കിലും 5 ദിര്‍ഹവും സഫ പാര്‍ക്കില്‍ 3 ദിര്‍ഹവുമാണ് എന്‍ട്രി ഫീസ്.

ദുബൈ ഫ്രെയിം

പഴയതും പുതിയതുമായ ദുബൈയുടെ അതിമനോഹരമായ പനോരമിക് കാഴ്ചകള്‍ പ്രദാനം ചെയ്യുന്ന ഒരു വാസ്തുവിദ്യാ അത്ഭുതമാണ് ദുബൈ ഫ്രെയിം. അതിശയിപ്പിക്കുന്ന നഗരദൃശ്യങ്ങള്‍ കാണാന്‍ ആഗ്രഹിക്കുന്നവര്‍ക്ക് ദുബൈ ഫ്രെയിമിലേക്ക് പോകാം. മുതിര്‍ന്നവര്‍ക്ക് 50 ദിര്‍ഹവും കുട്ടികള്‍ക്ക് 20 ദിര്‍ഹവുമാണ് എന്‍ട്രി ഫീസ്. 

ALSO READ: അന്താരാഷ്ട്ര ആണവോര്‍ജ ഏജന്‍സി സുതാര്യതാ റേറ്റിങ്; പട്ടികയില്‍ തുടര്‍ച്ചയായ മൂന്നാം വര്‍ഷവും യു.എ.ഇ

ദെയ്‌റയിലെ സുഗന്ധവ്യഞ്ജനങ്ങളുടെയും സ്വര്‍ണ്ണത്തിന്റെയും സൂക്കുകള്‍ 

ദുബൈയിലെ വിനോദസഞ്ചാരികളുടെ പ്രധാന ആകര്‍ഷണമാണ് ദുബൈയിലെ സുഗന്ധവ്യഞ്ജനങ്ങളും സ്വര്‍ണ്ണ സൂക്കുകളും. ദുബൈ നിവാസികള്‍ക്ക് വീണ്ടും വീണ്ടും പോകാന്‍ തോന്നുന്ന ഇടങ്ങളാണ് ദുബൈ സുഗന്ധവ്യഞ്ജന സൂക്കുകളും സ്വര്‍ണ്ണ സൂക്കുകളും. 

സ്വര്‍ണ്ണ സൂക്കില്‍ സ്വര്‍ണ്ണാഭരണങ്ങള്‍, വിലയേറിയ ലോഹങ്ങള്‍, രത്‌നക്കല്ലുകള്‍ എന്നിവയുടെ വിശാലമായ ശേഖരം തന്നെയുണ്ട്. സൂഖുകളിലേക്ക് പ്രവേശനം സൗജന്യമാണ്. 

ALSO READ: ബലിപെരുന്നാള്‍ ദിനത്തില്‍ ആറിടങ്ങളില്‍ പീരങ്കിവെടി മുഴക്കാന്‍ ദുബൈ പൊലിസ്

ഷാര്‍ജയിലെ അല്‍ നൂര്‍ ദ്വീപ്

ഷാര്‍ജയിലെ ഖാലിദ് ലഗൂണിലെ കലയുടെയും പ്രകൃതിയുടെയും ആകര്‍ഷകമാണ് ഷാര്‍ജയിലെ അല്‍ നൂര്‍ ദ്വീപ്. അവിടുത്തെ ശാന്തമായ പൂന്തോട്ടങ്ങള്‍ ചുറ്റിക്കാണാനും 500ലധികം ചിത്രശലഭ ഇനങ്ങളുടെ ആവാസ കേന്ദ്രമായ ബട്ടര്‍ഫ്‌ലൈ ഹൗസിലേക്ക് പോകാനും ആഗ്രഹിക്കുന്നവര്‍ക്ക് സന്ദര്‍ശിക്കാന്‍ പറ്റിയ ഇടമാണ് അല്‍ നൂര്‍ ദ്വീപ്.

ദ്വീപിലേക്കുള്ള പ്രവേശനത്തിന് മുതിര്‍ന്നവര്‍ക്ക് 35 ദിര്‍ഹവും 3-12 വയസ്സ് പ്രായമുള്ള കുട്ടികള്‍ക്ക് 20 ദിര്‍ഹവും ആണ് നിരക്ക്. ബട്ടര്‍ഫ്‌ലൈ ഹൗസിലേക്കുള്ള പ്രവേശനത്തിന് മുതിര്‍ന്നവര്‍ക്ക് 15 ദിര്‍ഹവും കുട്ടികള്‍ക്ക് 10 ദിര്‍ഹവും അധിക ഫീസ് ഈടാക്കും.

Celebrate Eid al-Adha 2025 without breaking the bank! Discover 7 fun and affordable activities across the UAE you can enjoy for less than 50 dirhams, perfect for families and solo traveleRS.