അജ്മാന്‍: അജ്മാനില്‍ രണ്ട് സ്‌കൂള്‍ ബസുകള്‍ കൂട്ടിയിടിച്ചു. അജ്മാനിലെ അല്‍ മൊവൈഹാത്ത് പ്രദേശത്താണ് അപകടമുണ്ടായത്. അപകടത്തില്‍ വിദ്യാര്‍ത്ഥികള്‍ക്ക് ആര്‍ക്കും ഗുരുതരമായ പരുക്കുകളില്ലെന്ന് അജ്മാന്‍ പൊലിസ് അറിയിച്ചു.

ALSO READ: ദുബൈ മെട്രോ ബ്ലൂ ലൈനിലേക്ക് കൂടി വികസിക്കുന്നു; മറ്റ് മെട്രോകളെ വെല്ലുന്ന സൗകര്യങ്ങൾ, ഫീച്ചറുകൾ, കണക്റ്റിവിറ്റി | Dubai Blue Line

പ്രദേശം സുരക്ഷിതമാക്കുന്നതിനും ഗതാഗതം നിയന്ത്രിക്കുന്നതിനുമായി പൊലിസ് പട്രോളിംഗ് സംഘം സ്ഥലത്തെത്തി. വിദ്യാര്‍ത്ഥികള്‍ സ്‌കൂളില്‍ നിന്ന് വീട്ടിലേക്ക് പോകുന്നതിനിടെയാണ് അപകടത്തെക്കുറിച്ച് ഓപ്പറേഷന്‍സ് റൂമില്‍ റിപ്പോര്‍ട്ട് ലഭിച്ചതെന്ന് ട്രാഫിക് ആന്‍ഡ് പട്രോളിംഗ് വകുപ്പ് ഡെപ്യൂട്ടി ഡയറക്ടര്‍ ലെഫ്റ്റനന്റ് കേണല്‍ റാഷിദ് ഹുമൈദ് ബിന്‍ ഹിന്ദി പറഞ്ഞു. ട്രാഫിക് പൊലിസും 'സഅദ്' പട്രോളിംഗും നാഷണല്‍ ആംബുലന്‍സും ഉടനടി സ്ഥലത്തെത്തി.

രണ്ടാമത്തെ ബസിന് സുരക്ഷിതമായ അകലം പാലിക്കാന്‍ കഴിയാതെ വന്നതിനാലാണ് കൂട്ടിയിടി ഉണ്ടായതെന്ന് അന്വേഷണത്തില്‍ വ്യക്തമായി. രണ്ട് വാഹനങ്ങളും കുറഞ്ഞ വേഗതയിലാണ് സഞ്ചരിച്ചിരുന്നത്. എന്നാല്‍ അപകടം സംബവിച്ചതിനെ തുടര്‍ന്ന് മുന്‍കരുതല്‍ എന്ന നിലയില്‍ നാഷണല്‍ ആംബുലന്‍സ് എല്ലാ വിദ്യാര്‍ത്ഥികളെയും പരിശോധിച്ച് സുരക്ഷിതരാണെന്നും പരുക്കുകളൊന്നുമില്ലെന്നും ഉറപ്പാക്കുകയായിരുന്നു.

സംഭവത്തിന് ഉത്തരവാദിയായ ഡ്രൈവര്‍ക്കെതിരെ അജ്മാന്‍ പൊലിസ് ഉചിതമായ നടപടി സ്വീകരിച്ചതായാണ് വിവരം.

വിദ്യാര്‍ത്ഥികളുടെയും എല്ലാ റോഡ് ഉപയോക്താക്കളുടെയും സുരക്ഷയ്ക്കായി അജ്മാന്‍ പൊലിസ് പൂര്‍ണ്ണമായും പ്രതിജ്ഞാബദ്ധരാണെന്ന് ലെഫ്റ്റനന്റ് കേണല്‍ ബിന്‍ ഹിന്ദി ഊന്നിപ്പറഞ്ഞു. എല്ലാ ഡ്രൈവര്‍മാരും പ്രത്യേകിച്ച് സ്‌കൂള്‍ ബസ് ഡ്രൈവര്‍മാര്‍, ഗതാഗത നിയമങ്ങള്‍ പാലിക്കുകയും ഇത്തരം അപകടങ്ങള്‍ തടയുന്നതിന് സുരക്ഷിതമായ അകലം പാലിക്കുകയും ചെയ്യണമെന്ന് അദ്ദേഹം അഭ്യര്‍ത്ഥിച്ചു.

അപകടത്തില്‍ 6 മുതല്‍ 12 വയസ്സ് വരെ പ്രായമുള്ള 13 കുട്ടികളും ഒരു അധ്യാപികയും ഉള്‍പ്പെട്ടതായി അധികൃതര്‍ പറഞ്ഞു.

ALSO READ: നഴ്‌സറി വിദ്യാര്‍ത്ഥികള്‍ക്ക് ആഴ്ചയില്‍ 4 മണിക്കൂര്‍ അറബിക് പഠനം നിര്‍ബന്ധമാക്കി അബൂദബി

പാകിസ്ഥാന്‍ വംശജരായ എല്ലാ വിദ്യാര്‍ത്ഥികളെയും രണ്ട് ആശുപത്രികളിലേക്ക് കൊണ്ടുപോയി. മൂന്ന് പേരെ ഷാര്‍ജയിലെ അല്‍ ഖാസിമി ആശുപത്രിയില്‍ പ്രവേശിപ്പിച്ചു. തുടര്‍ ചികിത്സയ്ക്ക് ശേഷം ഇവരെ ഡിസ്ചാര്‍ജ് ചെയ്തു. ബാക്കിയുള്ള വിദ്യാര്‍ത്ഥികളെ അജ്മാനിലെ ഖലീഫ ആശുപത്രിയിലേക്കും കൊണ്ടുപോയി.

Two school buses collided in Ajman’s Al Mowaihat area, but no students were seriously injured, according to Ajman Police. The minor accident on Sheikh Mohamed Bin Zayed Road involved 13 Pakistani students and a teacher, with all receiving prompt medical attention. Learn more about the incident and safety measures.