ന്യൂഡൽഹി: ഹരിയാനയിലെ അതീവ പിന്നാക്ക പ്രദേശമായ നൂഹിൽ മുസ്‍ലിംകളുടെ സാമൂഹിക ഉന്നമനവും വിദ്യാഭ്യാസ ശാക്തീകരണവും ലക്ഷ്യമിട്ടുള്ള പ്രവർത്തനങ്ങളുമായി എസ്.കെ.എസ്.എസ്.എഫ്. നാട്ടുകാരുടെ സഹകരണത്തോടെ കമ്മ്യൂണിറ്റി ലേണിങ് സെന്റർ ആരംഭിച്ചാണ് വിദ്യാഭ്യാസ മുന്നേറ്റങ്ങൾക്ക് എസ്.കെ.എസ്.എസ്.എഫ് തുടക്കമിട്ടിരിക്കുന്നത്. 
ചെറിയ കുട്ടികളെ മുതൽ മുതിർന്നവരെ വരെ സാക്ഷരർ ആക്കുന്നതിലും ആവശ്യമുള്ളവർക്ക് കംപ്യൂട്ടർ സാക്ഷരത, ചെറിയ ലൈബ്രറി സംവിധാനം, സർക്കാർ ഉദ്യോഗതലങ്ങളിലേക്കുള്ള ഓറിയന്റേഷൻ പരിപാടികൾ എന്നിങ്ങനെ ഒട്ടേറെ പദ്ധതികളുടെ

കേന്ദ്രമായാണ് കമ്മ്യൂണിറ്റി ലേണിങ് സെന്ററുകൾ പ്രവർത്തിക്കുന്നത്. 90 ശതമാനത്തിലധികം മുസ്‍ലിംകളുള്ള നൂഹ് മേഖല വിദ്യാഭ്യാസം, ആരോഗ്യ സംരക്ഷണം, സമ്പദ്‍വ്യവസ്ഥ, സാമൂഹിക നീതി, തൊഴിൽ, സ്ത്രീ ശാക്തീകരണം, ദാരിദ്ര്യം, മനുഷ്യവികസന സൂചിക തുടങ്ങിവയിൽ ഇന്ത്യയിൽ ഏറ്റവും താഴ്ന്ന റാങ്കിലാണ്. ഹരിയാന, ഉത്തർപ്രദേശ്, രാജസ്ഥാൻ എന്നീ സംസ്ഥാനങ്ങൾ ഉൾപ്പെടുന്ന മേവാത്ത്  മേഖലയിൽ നിന്നുള്ള വിദ്യാർഥികളും അഭിഭാഷകരും, കേരളാ മാതൃകയിൽ മുസ്്ലിംകൾക്കിടയിൽ വിഭ്യാഭ്യസ മുന്നേറ്റത്തിന് സഹായിക്കണമെന്ന ആവശ്യപ്രകാരമാണ് നൂഹിൽ എസ്.കെ.എസ്.എസ്.എഫ് പദ്ധതികൾ ആവിഷ്‌ക്കരിച്ച് തുടങ്ങിയതെന്ന് പദ്ധതിക്ക് നേതൃത്വം നൽകുന്നവരിലൊരാളായ ഡോ. മുഹമ്മദ് ഷീദ് പറഞ്ഞു. 
 സംഘടനയുടെ ഡൽഹി ചാപ്റ്ററിന്റെയും ഫോർവേഡ് ഫൗണ്ടേഷന്റെയും കോർഡിനേറ്ററായ മുർഷിദ് ഹുദവി, ഡോ. ഷീദ് തുടങ്ങിയവരുടെ നേതൃത്വത്തിൽ  മേവാത്ത് സ്റ്റുഡന്റ്‌സ് ഫോറം എന്ന പേരിൽ ഒരു യൂനിറ്റും രൂപീകരിച്ചിരുന്നു. മൻസൂർ ഹുദവി, മുർഷിദ് ഹുദവി, മുർഷിദ് ഹുദവി, ഡോ. അഹ്‌സാൻ, മുബഷിർ ഹുദവി, ഡോ. മുഹമ്മദ് ഷീദ് തുടങ്ങിയവർ മേവാത്ത് മേഖലയിലെ ഗ്രാമങ്ങൾ സന്ദർശിച്ച് നിരന്തര ചർച്ചകൾ നടത്തി.  

പദ്ധതിയുടെ ഭാഗമായി അക്ബർപൂർ ഗ്രാമത്തിൽ ആദ്യത്തെ ആരോഗ്യ ക്യാംപ് നടത്തി. അഭിഭാഷകർക്കായി ഒരു നിയമ ഫോറം മേഖലയിൽ രൂപീകരിച്ചിട്ടുണ്ട്. മേവാത്തിലെ ഡോക്ടർമാരുടെ ഫോറം, അധ്യാപക ഫോറം, സാമൂഹിക പ്രവർത്തകർക്കായുള്ള ഫോറം എന്നിവ രൂപീകരിക്കാനും പദ്ധതിയുണ്ട്.

SKSSF (Social and Educational Welfare Organization) is dedicated to the progress and empowerment of the Muslim community, focusing on education, social welfare, and overall development. Their mission is to uplift underprivileged sections through various initiatives, ensuring a brighter future for all.