തിരുവനന്തപുരം: അറബിക്കടലില്‍ കേരള തീരത്തോട് അടുത്തുണ്ടായ ചരക്കുകപ്പല്‍ അപകടത്തില്‍ കെസെടുക്കേണ്ടെന്ന സംസ്ഥാന സര്‍ക്കാര്‍ നിലപാടിനൊപ്പം കേന്ദ്രവും. നഷ്ടപരിഹാര നടപടികള്‍ക്ക് മുന്‍ഗണന നല്‍കുകയാണ് ഇരുഭാഗവും. മത്സ്യത്തൊഴിലാളികള്‍ക്കുള്ള നഷ്ടപരിഹാരം, മലിനീകരണം തടയാനുള്ള ചിലവ് എന്നിവ ആദ്യം കമ്പനിയില്‍ നിന്ന് ഈടാക്കാനാണ് തീരുമാനം. വിഷയത്തില്‍, കമ്പനിയുമായുള്ള ചര്‍ച്ചകള്‍ അവസാനഘട്ടത്തിലാണെന്നാണ് സൂചനകള്‍.  

കടലില്‍ ഒഴുകിയ 61 കണ്ടെയ്‌നറുകളില്‍ 51 എണ്ണം ഇതിനകം തീരത്ത് എത്തിച്ചിട്ടുണ്ട്. കണ്ടെയ്‌നറുകളില്‍ ഹാനികരമായ വസ്തുക്കള്‍ ഉണ്ടായിരുന്നില്ലെന്നും തീരത്ത് എണ്ണ മലിനീകരണമില്ലെന്നും ഡയറക്ടര്‍ ജനറല്‍ ഓഫ് ഷിപ്പിങ് ഉറപ്പുവരുത്തിയിട്ടുണ്ട്. നിയമപ്രകാരമുള്ള അന്വേഷണം തുടരുകയാണെന്നും കപ്പലിലെ ചോര്‍ച്ച അടയ്ക്കാനായി മുങ്ങല്‍ വിദഗ്ധര്‍ ഇന്ന് മുതല്‍ പ്രവര്‍ത്തനം ആരംഭിക്കുമെന്നും ഡിജി ഷിപ്പിങ് അറിയിച്ചു.

Kerala and the Central Government have reached a consensus on prioritizing compensation and pollution control measures following the cargo ship accident near Kerala's coast. Authorities are focusing on securing payments from the company for fishermen's losses and environmental safeguards. Final-stage discussions with the company are underway.