റിയാദ്: നീണ്ട ഇടവേളക്കു ശേഷം ഇന്ത്യ അടക്കം പതിനാലു രാജ്യങ്ങളില്‍ നിന്നുള്ള പൗരന്മാര്‍ക്കുള്ള ഫാമിലി മള്‍ട്ടിപ്പിള്‍ വിസ സംവിധാനം പുനഃസ്ഥാപിച്ച് സഊദി അറേബ്യ. സഊദിയുടെ ഔദ്യോഗിക ഓണ്‍ലൈന്‍ പ്ലാറ്റ്‌ഫോമായ മോഫ വഴി വിസ അപേക്ഷകള്‍ സ്വീകരിച്ചു തുടങ്ങി. 

കവിഞ്ഞ കുറച്ചു കാലമായി സഊദിയിലേക്കുള്ള മള്‍ട്ടിപ്പിള്‍ വിസിറ്റ് വിസ അനുവദിക്കുന്നത് നിര്‍ത്തിവച്ചിരിക്കുകയായിരുന്നു.

ALSO READ: ഇന്ത്യക്കാർക്ക് സഊദിയിലേക്ക് യാത്രാ വിലക്ക് ഉണ്ടോ? വാസ്തവം ഇതാണ് | Saudi Travel Ban to Indians

സഊദിയുടെ നടപടി കാരണം കേരളത്തില്‍ നിന്നടക്കം രാജ്യത്തേക്ക് വരുന്ന ധാരാളം പേരെ പ്രതികൂലമായി ബാധിച്ചിരുന്നു. കഴിഞ്ഞ കുറച്ചു മാസങ്ങളായി സിംഗിള്‍ എന്‍ട്രി വിസയാണ് സഊദിയിലേക്ക് അനുവദിച്ചിരുന്നത്. ഇക്കാരണത്താല്‍ കുടുംബങ്ങള്‍ അടക്കം നിരവധി പേര്‍ക്ക് സഊദിയില്‍ എത്തി ഒരുമാസത്തിനു ശേഷം നാട്ടിലേക്ക് തിരിച്ചുപോകേണ്ടി വന്നിരുന്നു. 

മള്‍ട്ടിപ്പിള്‍ എന്‍ട്രി വിസയില്‍ രാജ്യത്ത് എത്തിയവര്‍ക്കാകട്ടെ ഓണ്‍ലൈന്‍ വഴി വിസ പുതുക്കാനുള്ള സംവിധാനവും ഉണ്ടായിരുന്നില്ല. 

ഈ സീസണിലെ ഉംറ വിസ അനുവദിക്കുന്നതും ഇന്നു മുതല്‍ ആരംഭിക്കും. ഹജ്ജിനോട് അനുബന്ധിച്ച് ഉംറ വിസ അനുവദിക്കുന്നത് നിര്‍ത്തിവച്ചിരിക്കുകയായിരുന്നു. സഊദിയിലേക്കുള്ള മള്‍ട്ടിപ്പിള്‍ എന്‍ട്രി വിസിറ്റ് വിസകള്‍ക്കുള്ള അപേക്ഷ ഇന്ത്യയിലെ വിഎഫ്എസ് സെന്ററുകള്‍ വഴി ജൂണ്‍ 16 മുതല്‍ സ്വീകരിക്കും.

ALSO READ: ഉംറ വിസ നാളെ മുതല്‍ അനുവദിച്ചു തുടങ്ങും; ബുധനാഴ്ച മുതല്‍ ഉംറ നിര്‍വഹിക്കാം 

വിസ കാലാവധി തീരുന്നതിനു മുമ്പേ വിദേശ ഹജ്ജ് തീര്‍ത്ഥാടകര്‍ രാജ്യം വിടണമെന്ന് സഊദി ഹജ്ജ്, ഉംറ മന്ത്രാലയം അറിയിച്ചു. കാലാവധി അവസാനിച്ച ശേഷവും രാജ്യത്തു തുടര്‍ന്നാല്‍ കനത്ത നിയമനടപടികള്‍ നേരിടേണ്ടി വരുമെന്ന് അധികൃതര്‍ ചൂണ്ടിക്കാട്ടി. മടക്കയാത്രാ തീയതി ഹാജിമാര്‍ കര്‍ശനമായി പാലിക്കണമെന്നും അധികൃതര്‍ അറിയിച്ചു.  

Saudi Arabia reinstates multiple-entry visas for citizens of 14 countries, including India. The Kingdom also begins issuing Umrah visas, easing travel for pilgrims and tourists.