റിയാദ്: ലോകത്തെ മതവിഭാഗങ്ങളിലെ വളർച്ച സംബന്ധിച്ച കണക്കുകൾ പുറത്ത്. 2010 നും 2020 നും ഇടയിൽ ലോകത്തിലെ ഏറ്റവും വലിയ മതവിഭാഗമായ ക്രിസ്തുമതത്തിൽ ഇടിവ് നേരിട്ടപ്പോൾ മുസ്‌ലിംകൾ താരതമ്യേന വർദ്ധിച്ചു. 2010 നും 2020 നും ഇടയിൽ ഇസ്ലാം അതിവേഗം വളർന്നതായി പ്യൂ റിസർച്ച് സെന്ററിന്റെ (Pew Research Center) പുതിയ റിപ്പോർട്ട് പറയുന്നു. "ഹൗ ദി ഗ്ലോബൽ റിലീജിയസ് ലാൻഡ്‌സ്കേപ്പ് ചേഞ്ച്ഡ് ഫ്രം 2010 ടു 2020" (How the Global Religious Landscape Changed From 2010 to 2020) എന്ന പേരിൽ തയാറാക്കിയ റിപ്പോർട്ടിൽ 117 രാജ്യങ്ങളിലായി 2,700-ലധികം സർവേകളിൽ നിന്നും സെൻസസുകളിൽ നിന്നുമുള്ള വിവരങ്ങൾ ശേഖരിച്ചു.

(Photo Courtesy: Pew Research Center)

 ഇസ്ലാമിന്റെ ദ്രുതഗതിയിലുള്ള വളർച്ച

2010 നും 2020 നും ഇടയിൽ ഇസ്ലാം അതിവേഗം വളർന്നതായി റിപ്പോർട്ട് പറയുന്നു. മുസ്‌ലിം ജനസംഖ്യ 34.7 കോടി വർദ്ധിച്ചു. ഇത് മറ്റെല്ലാ മതങ്ങളും ചേർന്നതിനേക്കാൾ കൂടുതലാണ്. ലോക ജനസംഖ്യയിൽ മുസ്‌ലിംകളുടെ വിഹിതം 25.6 ശതമാനമായി ഉയർന്നു. "ക്രിസ്ത്യൻ വിശ്വാസികൾ 12.2 കോടി വർദ്ധിച്ച് 230 കോടിയിലെത്തിയെങ്കിലും, അവരുടെ ജനസംഖ്യ ഒരു ശതമാനം കുറഞ്ഞ് 28.8 ശതമാനമായതായി റിപ്പോർട്ട് പറയുന്നു. 

 

 അവിശ്വാസികളുടെ ഉയർച്ച

റിപ്പോർട്ടിലെ രസകരമായ ഒരു കണ്ടെത്തൽ മതവുമായി ബന്ധമില്ലാത്ത നിരീശ്വരവാദികളുടെ എണ്ണം 27 കോടി ദശലക്ഷം വർദ്ധിച്ച് 190 കോടി ആയി എന്നതാണ്. മുസ്‌ലിംകൾക്ക് തൊട്ടുപിന്നിൽ ഏറ്റവും വലിയ വിഭാഗം ആണ് അവിശ്വാസികൾ. 2020 ലെ കണക്കനുസരിച്ച് ലോകജനസംഖ്യയുടെ മൊത്തത്തിൽ 75.8 ശതമാനം ആളുകളും ഏതെങ്കിലും മതവുമായി ബന്ധപ്പെട്ടിരിക്കുന്നു.

 

 (Photo Courtesy: Pew Research Center)

 

ബാക്കിയുള്ള 24.2 ശതമാനം പേർക്ക് ഒരു മതവുമായും ബന്ധമില്ല. അവിശ്വാസികൾ കൂടുതലും ഉണ്ടാകുന്നത് ക്രൈസ്തവ വിഭാഗത്തിൽനിന്നു ആണെന്നും അതിനാലാണ്, ക്രിസ്തു മതത്തിൽ കുറവും നിരീശ്വര വാദികളിൽ പെട്ടെന്ന് വളർച്ചയും ഉണ്ടായത്. ഇന്ത്യയിലെ ഭൂരിപക്ഷ വിഭാഗമായ ഹിന്ദുക്കൾ 12 കോടി വർദ്ധിച്ച് ലോകമെമ്പാടുനായി 120 കോടിയിലും എത്തി. നിരീശ്വര വാദികൾ കൂടുതലും ചൈനയിൽ ആണ്. പിന്നീട് അമേരിക്കയിലും തുടർന്ന് ജപ്പാനിലും.

(Photo Courtesy: Pew Research Center)

മുസ്‌ലിം ജനസംഖ്യാ വളർച്ചയ്ക്ക് പ്രധാന കാരണം

 മുസ്‌ലിംകളുടെ ജനസംഖ്യാ വളർച്ചയ്ക്ക് ഒരു പ്രധാന കാരണം അവരുടെ താരതമ്യേന യുവത്വവും ഉയർന്ന ജനനനിരക്കും ആണ് എന്നും റിപ്പോർട്ട് ചൂണ്ടിക്കാട്ടി. പ്യൂ റിസർച്ച് സെന്റർ നടത്തിയ മുൻ പഠനമനുസരിച്ച് 2010-15 കാലയളവിൽ മുസ്‌ലിംകൾക്ക് ഏറ്റവും ഉയർന്ന ജനനനിരക്ക് ഉള്ളതായി കണ്ടെത്തി. ഒരു മുസ്ലിം സ്ത്രീക്ക് ശരാശരി 3.1 കുട്ടികൾ ഉണ്ട്. തൊട്ടുപിന്നിൽ ഹിന്ദുക്കൾ ആണ്.

 

മതം ഉപേക്ഷിക്കൽ

 ജനിച്ച മതത്തിൽ നിന്ന് കൂടുതൽ അകന്നുപോകുന്നത് ക്രിസ്ത്യാനികൾ ആണ് എന്നും റിപ്പോർട്ടിൽ ഉണ്ട്. പ്രധാനമായും കൗമാര, യുവത്വത്തിൻ്റെ പ്രാരംഭ ഘട്ടത്തിൽ ആണ് ഈ മാറ്റം ഉണ്ടാകുന്നത്. മതത്തിൽനിന്നുള്ള ഈ കൊഴിഞ്ഞുപോക്ക് മത രഹിതരായ ആളുകളുടെ എണ്ണത്തിൽ വലിയ വർദ്ധനവ് ഉണ്ടാക്കി. മതപരമായ മാറ്റം ഏറ്റവും കുറവ് ബാധിക്കുന്നത് മുസ്‌ലിംകളിൽ ആണ്.  

 

(Photo Courtesy: Pew Research Center)

കുടിയേറ്റം 

 കുടിയേറ്റം മതവിഭാഗങ്ങളുടെ വലുപ്പത്തിൽ വലിയ മാറ്റമുണ്ടാക്കിയിട്ടില്ല. പക്ഷേ അത് അവരുടെ ഭൂമിശാസ്ത്രപരമായ വ്യാപനത്തെ സ്വാധീനിച്ചിട്ടുണ്ട്. 2010 ൽ ലെബനനിലെ മുസ്ലിം ജനസംഖ 62 ശതമാനമായിരുന്നു. 2020 ൽ സിറിയൻ അഭയാർത്ഥികളുടെ ഒഴുക്കിന് ശേഷം മുസ്ലിം ജനസംഖ്യ ഇപ്പോൾ 65 ശതമാനമായി. യൂറോപ്പിന്റെ ആറ് ശതമാനം മുസ്ലിംകൾ ആണ്. ആറ് ജി.സി.സി രാജ്യങ്ങളാണ് (ബഹ്‌റൈൻ, കുവൈറ്റ്, ഒമാൻ, ഖത്തർ, സൗദി അറേബ്യ, യുണൈറ്റഡ് അറബ് എമിറേറ്റ്സ്) കുടിയേറ്റ ജനസംഖ്യയുടെ നാലിലൊന്ന് വരുന്നത്. ഇതിൽ ഭൂരിഭാഗവും ക്രിസ്ത്യൻ, ഹിന്ദു വിഭാഗക്കാർ ആണ്.

The world’s population expanded from 2010 to 2020, and so did most religious groups, according to a Pew Research Center analysis of more than 2,700 censuses and surveys