മസ്‌കത്ത്: ഒമാനിലെ തെക്കന്‍ ബാത്തിന ഗവര്‍ണറേറ്റില്‍ രണ്ടുപേര്‍ മുങ്ങിമരിച്ചു. തെക്കന്‍ ബാത്തിന ഗവര്‍ണറേറ്റിലെ റുസ്താഖ്  വിലായത്തിലെ വാദി അല്‍ ഹൊഖൈനിലാണ് രണ്ടുപേര്‍ മുങ്ങിമരിച്ചത്.

ALSO READ: ഒമാനിൽ കനത്ത മഴ; റോഡുകൾ തകർന്നു, ​ഗതാ​ഗത തടസമുണ്ടായി; പല വീടുകൾക്കും കേടുപാടുകൾ സംഭവിച്ചു

അപകടത്തില്‍ മരിച്ച രണ്ടുപേരും ഒമാനി പൗരന്മാരാണെന്ന് സിവില്‍ ഡിഫന്‍സ് ആന്‍ഡ് ആംബുലന്‍സ് അതോറിറ്റി (സിഡിഎഎ) സ്ഥിരീകരിച്ചു.

സിഡിഎഎയുടെ സൗത്ത് അല്‍ ബാത്തിന ഡിവിഷനിലെ രക്ഷാപ്രവര്‍ത്തകരാണ് രണ്ട് മൃതദേഹങ്ങളും കണ്ടെടുത്തത്. മുങ്ങിമരണത്തിന്റെ കാരണം ഇപ്പോഴും വ്യക്തമല്ല. മരണത്തിലേക്ക് നയിച്ച കാരണത്തെക്കുറിച്ചുള്ള കൂടുതല്‍ വിവരങ്ങള്‍ അധികൃതര്‍ പുറത്തുവിട്ടിട്ടില്ല.

ദിവസങ്ങള്‍ക്ക് മുമ്പ് കിഴക്കന്‍ ഒമാനില്‍ സമാനമായ ഒരു സംഭവമുണ്ടായിരുന്നു. മനോഹരമായ പാറക്കെട്ടുകള്‍ക്കു പേരുകേട്ട രാജ്യത്തെ ഏറ്റവും പ്രശസ്തമായ പ്രകൃതിദത്ത ആകര്‍ഷണങ്ങളിലൊന്നായ വാദി ബാനി ഖാലിദിലെ ഒരു കുളത്തില്‍ നീന്തുന്നതിനിടെ ഇരട്ട സഹോദരന്മാരായ അല്‍ ഹസ്സനും അല്‍ ഹുസൈന്‍ അല്‍ മസൂദിയും മുങ്ങിമരിക്കുകയായിരുന്നു.

Two Omani citizens drowned in Wadi Al Hoqhain, Wilayat of Rustaq, on June 9, 2025, as confirmed by the Civil Defence and Ambulance Authority. Authorities urge avoiding non-designated swimming areas to prevent such tragedies. Learn more about the incident and safety warnings.