കോഴിക്കോട്: സ്‌കൂട്ടറിലെത്തിയ യുവാവ് സ്വകാര്യ ബാങ്ക് ജീവനക്കാരനില്‍ നിന്ന് പണം കവര്‍ന്നു. 40 ലക്ഷം രൂപയാണ് ഇയാല്‍ തട്ടിയെടുത്തത്. ഉച്ചയ്ക്ക് ഒരു മണിയോടെ കോഴിക്കോട് പന്തീരങ്കാവിലാണ് സംഭവം.

ഇസാഫ് ബാങ്കിലെ ജീവനക്കാരനായ അരവിന്ദന്റെ കൈയില്‍ നിന്നാണ് കറുത്ത നിറത്തിലുള്ള ബാഗ് തട്ടിപ്പറിച്ചുകൊണ്ടുപോയത്. 

പന്തീരങ്കാവില്‍ നിന്നും മാങ്കാവിലേക്ക് പോകുന്ന റോഡില്‍ വെച്ചാണ് സംഭവം നടന്നത്. പന്തീരങ്കാവ് സ്വദേശി ഷിബിന്‍ലാലാണ് പ്രതിയെന്ന് പോലിസ് അറിയിച്ചു. പറുത്ത ഇരുചക്ര വാഹനത്തിലാണ് പണം തട്ടിപ്പറിച്ച ശേഷം ഇയാള്‍ രക്ഷപ്പെട്ടത്.

ഇയാളുടെ സിസിടിവി ദൃശ്യങ്ങള്‍ പൊലിസ് പുറത്തുവിട്ടിട്ടുണ്ട്. ഷിബിന്‍ലാലിനായി പൊലിസ് നഗരത്തിലുടനീളം അന്വേഷണം ഊര്‍ജിതമാക്കിയിട്ടുണ്ട്. കറുപ്പും പച്ചയും വെള്ളയും നിറത്തിലുള്ള ടീഷര്‍ട്ടും മഞ്ഞ റെയിന്‍കോട്ടുമാണ് ഇയാള്‍ ഈ സമയത്ത് ധരിച്ചിരുന്നത്. ഇയാളുടെ വലതു കവിളില്‍ കമ്മലുമുണ്ടെന്ന് പൊലിസ് പറഞ്ഞു.